“ენმ”-ის წევრი, ეკა ხერხეულიძე, პრემიერ ღარიბაშვილს და მის გუნდს, პარლამენტში სიტყვით გამოსვლისას, კონკრეტულ კლინიკებთან კორუფციულ გარიგებებში ადანაშაულებს:
“ბატონო ირაკლი, მოვისმინე თქვენი მოხსენება, ოღონდ რეალურ ყოფასთან რა კავშირი აქვს იმ წარმატებებს, რაც აღნიშნეთ, სრულიად გაუგებარია ჩემთვის და გაუგებარი იქნება მოსახლეობისთვისაც, დარწმუნებული ვარ. ყველაზე სასაცილოა აღნიშვნა, რომ საქართველო მზად არის ნატოში გაწევრიანებისთვის.
რითია მზად, ბატონო ირაკლი? პოლიტიზირებული სასამართლოთი, პროკურატურით, პოლიციით? იცით, რამდენი სამხედრო მოსამსახურე ეძებს ქვეყნის გარეთ პოლიტიკურ თავშესაფარს და რამდენს აძლევენ? იცით ვეტერანები მეომრები როგორი დაუფასებლები არიან და რა მდგომარეობაში იმყოფებიან, თუ მატერიალური, თუ პოლიტიკური დევნის თვალსაზრისით?
ადამიანების, რომლებიც ჩვენ ისტორიულ მტერს ფიზიკურად შეებრძოლნენ, ადგილი რომ ქვეყანაში არ არის, მთელმა ქვეყანამ იცის და თქვენც გეცოდინებათ.
ეს ნაბიჯები აშორებს ჩვენ ქვეყანას ნატოსკენ და ეს არის სავალალო ტენდეცია.
ვერ დაგვაახლოვებს ნატოს კორუფციული სქემები, მაგალითად ასეთი, როგორიც გახლავთ, თქვენ მიერ ნაწყალობელი კლინიკებისადმი გაღებული მოწყალებები და შემდეგ გაყოფილი “ატკატები”, არ ვიცი, როგორ ანაწილებთ ამას, მაგრამ ეს ხალხი ნამდვილად არიან თქვენი პოლიტიკური გუნდის შემომწირველები, მაგალითად, როგორ წყალობთ, ელგუჯა გოცირიძეს, ზაზა ლომინაძის კლინიკას, ანტონ ობოლაშვილის კლინიკას, ხაბელოვის, ხუნდაძის… ამის შესახებ რას გვეტყვით?
კომენტარები