“არჩევნები მითია… ბოიკოტი აბსურდია” – სალომე ზურაბიშვილი

ბოიკოტი, როგორც პროტესტი – განცხადება, რომ არჩევნებს აზრი არ აქვს, მესმის ძალიან კარგად და ამაზე ვისაუბრე ახლა. მაგრამ, ბოიკოტი, როგორც კამპანია, რომელიც ისახავს რამე შედეგს – ესეც აბსურდი არის. არ არსებობს მაგალითი ბოიკოტის, რომელიც გამოცხადებული იქნა, როგორც რაიმე გამარჯვება. ცხადია, რომ დღევანდელ პირობებში როგორც გაყალბდება არჩევნები, თუ ვინმემ მიიღო მონაწილეობა, ასევე გააყალბებენ ბოიკოტს, კიდევ უფრო ადვილად. რადგან, შიშის, ფულის, მუქარის პირობებში შეიძლება წაიყვანო ადამიანები არჩევნებამდე, რომ იყვნენ ამის მოწინააღმდეგეებიც კი და თუ დათვლდადი იქნება ეს ბოიკოტი, შეიძლება რეჟიმს ეს გაასაღოს, როგორც მისი გამარჯვება და საერთოდ დიქტატორულ ქვეყნებში ბოიკოტის კამპანიები. ასე, რომ ჩვენ არც არჩევნებში მონაწილეობის კამპანია არ გვაწყობს და არც ბოიკოტის კამპანია, რადგან ორივე მხრივ გახლეჩილები ვართ და იხარჯება ძალიან დიდი ერთის მხრივ ფულადი რესურსები, როგორც აცხადებენ ის პარტიები, რომლებიც მონაწილეობას იღებენ და მეორეს მხრივ ადამიანური რესურსი, რომელიც უნდა მიდიოდეს პროტესტში და რომელიც დაიხარჯება ბოიკოტის კამპანიაში, რომლის შინაარსის გაგება ცოტა მე მიჭირს და ალბათ თქვენც. ჩვენი გამოსავალი რა არის – რაც იყო გუშინ და რაც რჩება დღეს, ერთიანობა და ყველაფერი ის რაც ემსახურება დაპირისპირებას, გახლეჩვას და უიმედობას, ეს არის ბოლო ბერკეტები რაც გააჩნია უკვე ჩამოშლილ “ოცნების” რეჟიმს”