იმის ნაცვლად, რომ სასწავლო დანაკარგების შევსებაზე გვეფიქრა, ჩვენ ისევ ვზრდით ამ უკუსვლის პროცესს – ამის შესახებ ანალიტიკოსი არჩილ გამზარდია სოციალურ ქსელში წერს:
„იმ დროს, როდესაც “იუნისეფი” კატეგორიულად მოითხოვს, სკოლები არ დაიხუროს, ჩვენთან ხელისუფლება განიხილავს სკოლების დახურვის თემას.ჩემი უფროსი შვილის კლასში კოვიდი არავის ჰქონია, მშობლებმა მიიღეს გადაწყვეტილება დისტანციურ სწავლებაზე გადაეყვანათ შვილები (ეს მათი უფლებაა). ორი დღე კონსტანტინე მარტო იჯდა კლასში, მაგრამ ყველა გაკვეთილი ჩაუტარდა, მასწავლებლებმაც მოიწადინეს. დღეს დილით გავიგეთ რომ სკოლაც გადასულა დისტანციურ სწავლებაზე. შესაბამისი იძულებით ჩემი შვილიც.არის აქ მოსწავლის ინტერესები დაცული? – არა.სასწავლო დანაკარგები ისედაც დიდია ამ დისტანციური სწავლების შედეგად და ამას საპარლამენტო კვლევაც აღიარებს. იმის ნაცვლად, რომ სასწავლო დანაკარგების შევსებაზე გვეფიქრა, ჩვენ ისევ ვზრდით ამ უკუსვლის პროცესს.არავითარ შემთხვევაში არ შეიძლება მოსწავლეების გადაყვანა დისტანციურ სწავლებაზე. მეტიც, სკოლის დახურვაც კი არ უნდა დავუშვათ. ე.წ. წერტილოვანი შეზღუდვა ისედაც გულისხმობს სასწავლო ფორმატის დისტანციურზე დროებით გადაყვანას მხოლოდ იმ კლასებში, სადაც დასტურდება ვირუსი კლასში მყოფ მოსწავლეზე. სხვა შემთხვევაში კი არჩევანი არსებობს.არ შეიძლება ბავშვების ინტერესების ასეთი შელახვა. სასწავლო დანაკარგები იზრდება, ბავშვების სტრესი იზრდება, ასოციალურობა, უსწავლელობა, ფსიქიკური დაავადებების რისკი იზრდება.დაიცავით ბავშვების უფლებები!“ – წსერს გამზარდია.
ცნობისთვის, სკოლებისა და ბაღების დისტანციურ სწავლებაზე გადასვლის საკითხი შესაძლოა, ხვალინდელი, მთავრობის საკოორდინაციო საბჭოს სხდომაზე განიხილონ. ამის შესახებ საქართველოს ჯანდაცვის მინისტრმა, ზურაბ აზარაშვილმა, დღეს მთავრობის სხდომის დასრულების შემდეგ, ჟურნალისტებთან განაცხადა.
“ხვალ იქნება საკოორდინაციო საბჭოს სხდომა და თუ არის ეპიდემიოლოგების მხრიდან ამის მოწოდება, ეს საკითხი განიხილება. ხვალინდელი საკითხები ჯერ არ არის ცნობილი”, – განმარტა ჯანდაცვის მინისტრმა.
კომენტარები