“არ სჭირდება კეკლუცობა, მიმართოს ავიაციას და დაეხმაროს ემიგრანტებს, თუ სურვილი აქვს”

საქართველოს პრემიერი, გიორგი გახარია, ექსპრეზიდენტ მიხეილ სააკაშვილს პასუხობს, რომელიც უკვე მერამდენე დღეა ამბობს, რომ ხელისუფლება არ აძლევს ნებართვას, რომ ემიგრანტები თავისი ხარჯით დააბრუნოს სამშობლოში:

ქვეყნებიდან ჩვენი მოქალაქეების გამოყვანასთან დაკავშირებით. ვიღაც რაღაც სურვილებს გამოთქვამს, წერილები იწერება კანცელარიაში. ერთი რამ მინდა ვთქვა – ეს ყველაფერი არის პოლიტიკური სპეკულირება. ვინმეს თუ საქართველოს მოქალაქის ან ქვეყნის დახმარება სჭირდება, სურვილი აქვს ან შეუძლია, არანაირი ნებართვა არ სჭირდება იმას, რომ რეისი განახორციელო ევროპის ერთი ქვეყნიდან საქართველოში, არანაირი. საჭიროა უბრალოდ, მიმართო იმ ქვეყნის საავიაციო ხელისუფლებას და ეს ორგანიზდება ზუსტად ნახევარ საათში.

იმის მაგივრად, რომ პოლიტიკური კეკლუცობა და ადმინისტრაციებში წერილები და რაღაც სისულელე ქაღალდები ვატაროთ, ყველას, ვისაც შეუძლია, ბიზნესმენი იქნება თუ პოლიტიკოსი, აქვს სურვილი, ჩვენს მოქალაქეებს მიეხმაროს, უბრალოდ, გამოაცხადონ, რომ ისინი აკეთებენ ამ რეისს, ამ ფრენას ნებისმიერი ქალაქიდან. ამას კანცელარიაში მისვლა კი არ სჭირდება, ავიაციასთან მიმართვა სჭირდება“