“არ გაპატიებთ! ყველა, ვინც კაციჭამიას დაფნის გვირგვინს ადგამთ, გულში დანას გვირტყამთ ჩვენ, ამ ქვეყნის წესიერ და პატიოსან მოქალაქეებს!” – ლევან ლორთქიფანიძე

პოლიტოლოგი, ლევან ლორთქიფანიძე:

ამ სიტყვებს ერთ-ერთი სისხლიანი ღამის შემდეგ ტელევიზიით ლუღლუღებდა გაბრუებული, არაფხიზელი ზვიად ხარაზიშვილი … ასე აღმოვაჩინე პოლიციის ყველაზე სასტიკი პოლკოვნიკი, რომელიც თურმე ავტორიტარი მმართველის მთავარი დასაყრდენი ყოფილა.

რა მომავალი შეიძლება ჰქონდეს ქვეყანას, სადაც კაცებსა და არაკაცებს ერთმანეთისგან არჩევს სუბიექტი, რომელიც ვანო მერაბიშვილს ორი გვამის მოტანაში ეხმარებოდა.

რა მომავალი შეიძლება ჰქონდეს ქვეყანას, სადაც უსასტიკესი პოლიციელი არაკაცების სიას ადგენს, შემდეგ ამ სიის წევრებს სცემს, მეორე დღეს კი განგრეული (ღმერთმა უწყის, რითი იყო მთვრალი) და გატიალებული ჟურნალისტს ეუბნება, რომ ყველაზე ძლევამოსილია და ამიტომ საკუთარი გემოვნების მიხედვით გადაწყვეტს იმას, თუ პროტესტის რომელი მონაწილე გააუბედუროს.

რა მომავალი შეიძლება ჰქონდეს ქვეყანას, სადაც პოლიციის მაღალჩინოსანისთვის კანონი არ არსებობს!

გადის ხანი და ერთი ტლუ კაცი ქართველი ხალხის სახელით ღირსების ორდენს გადასცემს დამსახიჩრებელთა ტომის ბელადს, ჯალათს, ყველა მთავრობის ჯალათს !!!

არ გაპატიებთ!