ჟურნალისტი, ვახო სანაია:
“კობახიძე ევტუშენკოვზე ამბობს, რეპრესირებული ბიზნესმენიაო. 2014 წელს პუტინთან პრობლემები რომ შეექმნა და მერე დალაგდა, იმ ევტუშენკოვზე. არ არის ისეთი რამ, რასაც კობახიძე არ იკადრებს.
ირაკლი კობახიძე :
,,ასეც და ისეც, საქმე ეხება ერთ რუს ბიზნესმენს, რომელიც არის რეპრესირებული რუსეთის ხელისუფლების მხრიდან და თუ ვინმე შეგვიძლია გავიხსენოთ ჩვენ რეპრესირებული ბიზნესმენებიდან, ხადარკოვსკის შემდეგ ეს არის სწორედ ეს კონკრეტული ბიზნესმენი”
გავრცელდა აუდიომასალა.
მასალაში მითითებული ტესტის მიხედვით, ჩანაწერში ისმის ვლადიმერ ევტუშენკოვისა და ბიძინა ივანიშვილის ხმები. ისმის ძალიან მეგობრული და თბილი წინადადებები.
ვინ არის ევტუშენკოვი ?
რუსი ოლიგარქი. კორპორაცია ,,სისტემა”.
2014 წელს პუტინთან პრობლემები შეექმნა. რამდენიმე დღით დაიჭირეს კიდეც. იმ მომენტისთვის მისი კაპიტალი 9 მილიარდი დოლარი იყო. ამის შემდეგ მისმა ფინანსებმა ვარდნა დაიწყო და 2019 წელს დაახლოებით 2,1 მილიარდს შეადგენდა.
2021 წლის მონაცემით, უკვე 3,4 მილიარდი ჰქონდა.
ამჟამად არის პუტინთან დაახლოებული ოლიგარქი. ევტუშენკოვის მთელ ბიზნესინტერესებზე აღარ დავწერ. ყურადღებას გავამახვილებ ერთ მიმართულებაზე – მისი კომპანია ,,სისტემა” ამარაგებს რუსეთის თავდაცვის სამინისტროს რადიოტექნიკური მოწყობილობებით. რუსული შეიარაღებისთვის ამუშავებს მართვისა და კავშირის სისტემებს. შედის მსოფლიოში თავდაცვითი კომპანიების ასეულში.
უკრაინაში შეჭრის დროს, როცა პუტინი ბიზნესმენებს შეხვდა, იმ შეხვედრაზე ევტუშენკოვიც იჯდა.
ევტუშენკოვი 2018 წელს აშშ-ის ფინანსთა სამინისტროს სანქცირებულთა სიაში მოხვდა. ამ სიას ,,კრემლის სია” ეწოდება.
კომენტარები