ჟურნალისტი, ირაკლი ტაბლიაშვილი:
“ვლადიმირ პუტინისა და მისი ხროვის გარდა, ომი არც არავის უნდოდა, უნდა თუ ენდომება!..
არ არსებობს და არც შეიძლება არსებობდეს გლობალური ომის პარტია!..
თუ ვინმეს ჰგონია, რომ დანილოვის, არესტოვიჩის ან სხვათა აზრები ჩვენი რუსეთთან ომის საფუძველია, ცდება! არც ამ პერსონებს და არც უკრაინას და არც მთლიანად მსოფლიოს არ სურს საქართველოს ომში ჩართვა-ჩარევა!.. სხვა თუ არაფერი, დასავლეთი ჩვენ ვერ ან ძნელად თუ დაგვიცავს; ყოველ შემთხვევაში, გაუჭირდება ისეთივე მომარაგება, როგორც უკრაინას ამარაგებს!
… მაგრამ, მოდი, წარმოვიდგინოთ, რომ მე (ჩვენ) არაფერი ვიცით და, აი, დათო ოქიტაშვილმა კი – ყველაფერი იცის! წარმოვიდგინოთ, რომ თუთიყუშმა მას ისეთი ინფო მიაწოდა, რომელიც ჩვენ არ გვაქვს!
ახლა ვკითხოთ დათოს, ირმას და სხვებს – უნდა კი დასავლეთს რუსეთთან სადმე დამარცხება? თუ ის – დასავლეთი გვითრევს ამ ომში, და თუ ვიცით, რომ ჩვენ აპრიორი დავმარცხდებით, რატომ აკეთებს ამას დასავლეთი? თავისივე თავის მტერია?..
ეს არაა მილიონდოლარიანი კითხვა, თუმცა, ადრესატებს, ვეჭვობ, მასზე პასუხი გაუჭირდებათ!
ოქეი – ახლა ყველაფერს დავანებოთ თავი!
და წარმოვიდგინოთ, რომ ყველაფერში მართალია დათო კი არა, ლალი! ლალი კი არა, გია-უცნობი! და კიდევ ვინმე!
ვიკითხავ ასე – იცით თუ არა, რამდენი მოიერიშე ჯარისკაცი ჰყავს კავკასიაში რუსეთს?!! ვიმეორებ – კავკასიაში და არა საქართველოში?!..
ლალისაა თუ დათოს ავუხსნი, რომ სულ ასეთი ჯარისკაცი არის 3000-მდე!.. ანუ, სახმელეთო ოპერაცია-იერიშზე, ისე, რომ მოაშიშვლონ ზურგი, მაქსიმუმ შეიძლება გადმოვიდეს 3000 ოკუპანტი!
ახლა მათ მივმართავ – ჩვენი ნაქები ჯარი ამ 3000 ოკუპანტს ვერ გაუმკლავდება?..
თუ ვერა – რატომ?
ვაჰ! ოქეი! გეტყვით – მეტის რესურსი რუსეთს, უბრალოდ, არ აქვს! არა! არა!
ტაქტიკური ამოცანები აქვს გადასაწყვეტი უკრაინაში სადაც დედა ეფშვნება!
ნუთუ ესეც გაუგებარია?..
ვაჰ… კეთილი! თუ ესეც გაუგებარია, მაშინ მიპასუხეთ – რამშტაინის ბაზაზე რომ ბრძანდებოდა ბ-ნი ბურჭულაძე (პაატა არა, ჯუანშერი); თეორიულად შეიძლება თუ არა, რომ რუსეთმა ეს ჩაგვითვალოს მის წინააღმდეგ ქმედებად და ამის გამო დაიწყოს ომი?.. თუ კი – მოითხოვეთ რამშტაინის ფორმატიდან საქართველოს ამოწერა! თუ არა – ამიხსენით, ვინ რას აკეთებს ბურჭულაძეზე უარესს?..”
კომენტარები