პოლიტოლოგი, ლევან ლორთქიფანიძე, ავრცელებს ვიდეოს და წერს:
მარცხნივ რომ კაცი დგას და მღერის, გერმანიის სოციალ-დემოკრატიული პარტიის თავმჯდომარე ნორბერტ ვალტერ-ბოიანია (ნოვაბოს ეძახიან).
ის პარტიის მემარცხენე ფრთას წარმოადგენს, წლების განმავლობაში იყო გერმანიის უდიდესი მიწის – ჩრდილოეთ რაინ-ვესტფალიის ფინანსთა მინისტრი.
2019 წელს პარტიის თავმჯდომარეობისთვის ბრძოლაში სასკია ესკენთან, ბუნდესტაგის მეორე რიგის დეპუტატთან ერთად ჩაერთო. მას ჩამოწერილ პოლიტიკოსად მიიჩნევდნენ, საკმარისზე მეტად რადიკალურიაო, ამბობდნენ… მოულოდნელად, ვალტერ-ბოიანისა და ესკენის წყვილმა შიდაპარტიული არჩევნები მოიგო. მათი გამარჯვების შემდეგ ალაპარაკდნენ, რომ ეს გიჟი მემარცხენეები პარტიის ზომიერ ფრთას მოიძულებენ და სოციალ-დემოკრატიას საბოლოოდ გამოუყვანენ წირვასო. თავმჯდომარეთა წყვილი პირიქით მოიქცა, მათი ლიდერობით, დიდი წვალების შემდეგ პარტიამ კომპრომისული და გამაერთიანებელი პროგრამა მიიღო. თავმჯდომარეებმა სოციალ.-დემოკრატთა კანცლერობის კანდიდატად თავიანთი ძველი მოწინააღმდეგე, ზომიერი ფრთის მთავარი ფიგურა ოლაფ შოლცი დაასახელეს.
დღესაც დასჩხავიან სასკია ესკენსა და ნოვაბოს, მაგათ მემარცხენე უფსკრულში უნდათ გერმანიის გადაჩეხვა და არაფერი გამოუვათო.
მიწასთან გასწორებული პარტია შეაკავშირეს, გონივრული პროგრამა შეიმუშავეს, გერმანიასა და ევროპაში უფრო მეტი სოციალური სამართლიანობის დამკვიდრებასაც შეძლებენ! სულ ერთი დღე დარჩა.
P.S. ოდესმე გვექნება სიმღერ-სიმღერით წარმოებული კამპანია და მემარცხენე მანიფესტი?”
კომენტარები