ამათ შუბლის ძარღვი გაწყვეტილი აქვთ, ან სრული იდიოტები არიან! – რას წერს სააკაშვილი გახარიას გუნდზე?

ყოფილი პრეზიდენტი, მიხეილ სააკაშვილი გიორგი გახარიას თანაგუნდელის, ბექა ლილუაშვილის ინტერვიუს ფრაგმენტს აზიარებს, სადაც ის ყვება, რომ ანაკლიის პორტის პროექტი ვალდებულებების დარღვევის შემდეგ ვერ აშენდა და წერს:

“ამათ შუბლის ძარღვი მართლა გაწყვეტილი აქვთ, ან სრული იდიოტები არიან! ეს პორტი 2013 წლის ბოლოს უნდა გამეხსნა ჩვენი გეგმით, და ჩვენ ყოველთვის, უფრო ადრე ვასრულებდით გეგმას, ვიდრე ქაღალდზე ეწერა და ესენი, გვიყვებიან, რომ პორტი ვერ გაკეთდებოდაო?!

ძაღლი რომ ფარავს ხოლმე თავის მოსაქმებულს, ისე ფარავენ ესენი თავის წილს, ქვეყნის განადგურებაში და მე მგონი, ჩვენს ხალხს ყველაფერი ახსოვს და თუ არ ახსოვს, გავახსენებთ და ამაზეც ბევრი უნდა ვიმუშაოთ და დავანახებთ, რომ სხვანაირად შეიძლება მუშაობა ძალიან მალე”