“ნიუ ლაიფის” დამფუძნებელი მარიამ კუკუნაშვილი სოციალურ ქსელში ინფორმაციას ავრცელებს,რომელსაც უცვლელად გთავაზობთ:
“ინსტაგრამზე ალექსანდრა პაიჭაძის პოსტი შემომხვდა, წერდა, რომ სიყვარულს ვერავინ წაართმევს მანამ, სანამ თავად ასე ისურვებს. ყოფილებს მადლობას უხდის დაუვიწყარი თავგადასავლეისთვის და იმავე პოსტით ამჟამინდელს პირდება, რომ სიცოცხლის ბოლომდე მისი იქნება.Infantile Omnipotence და საკუთარი თავის და Love ობიექტის გაობიექტება. ასე შეაფასებდა ფროიდი ალექსანდრას მიამიტობას, კონკურენციის შექმნის ამაო მცდელობას და მავნეობას. ამ ამბავმა კი ჩემი ელენე გამახსენა: მამას უნდა ენახა და ძალიან უცნაურად ჩაიცვა. ქალს გავდა ბავშვს აღარ გავდა, მაისურზე ეწერა : Dad Come Back… მივხვდი რასაც ცდილობდა: საკუთარი სხეული მიზნის მიღწევის საშუალებად უნდოდა გამოეყენებინა … იმიტომ რომ აქ, ამ საზოგადოებაში ქალი ობიექტია, კაცი მეპატრონე ხოლო ის, ვინც ამ სიმახინჯეს აპროტესტებს გიჟი. საბოლოო ჯამში კი ყველა გაუცხოებული საკუთარი ემოციებისგან … ალექსანდრასთვის მინდოდა დამეწერა, აახვევინე მაგ შენი სიმშვიდის დამრღვევ კაცს შენი ცხოვრებიდან, უკეთესი გეკუთვნისთქო, მაგრამ გადავიფიქრე. მაინც ვერ იგრძნობს ის რასაც უნდა გრძნობდეს და აზრი ? ბავშვს გამარჯვება დაარქვა და მართალია. ამ ქვეყანაში თუ გადარჩი, სულიერად, მორალურად, ეკონომიკურად, პოლიტიკურად, პირად ურთიერთობებში, მართლა გამარჯვებაა და მიღწევა…
ნიკოლოზ ბასილაშვილის ოჯახიდან დამირეკეს კიდევ, ნიკა ბიძაშვილია და ნეკას მხარდამჭერი პოსტი დაგიწერიაო. დაავიწყდათ ალბათ, საკუთარი ბიძაშვილი რომ მივაბძანებინე პოლიციას ქალზე ძალადობის გამო. ჩემი ბიძაშვილის შვილები კი დღემდე ჩემი გულისტკივილია, ორი ულამაზესი გოგონა, რომლებიც ძალიან დალეწილები არიან და ხან დეპრესიაში არიან და ხან სუიციდალური ფიქრები აწუხებთ…
ბავშვები თავად ხდებიან ის, რაც მამაში არ მოწონთ: არარსებულნი, ემოციურად…
ვუსმენდით ნეკა დოროყაშვილის ინტერვიუს გუშინ მე და ჩემი მეგობრები და თითებზე ვითვლიდით ყველა სიმპტომს რადგან ისინი ჩვენც გამოვიარეთ ჩვენი ცხოვრების სხვადასხვა ეტაპზე და ნეკამ ყველაფერი ერთი ერთში აღწერა… რა ზუსტად ყვებაო , ვიძახდით. ზოგი მეგობარი იმას იხსენებდა, ყოფილი ქმარი დანას ყელში როგორ აბჯენდა ან მე 11 სართულის რაფიდან როგორ გადმოკიდებდა ხოლმე გადმოგდების მუქარით, ზოგი ღალატს იხსენებდა, ზოგი ტყუილებს…ბოლოს ყველას იმას გვაჯერებდნენ, რომ გიჟები ჩვენ ვიყავით და სამკურნალო…
მერე ის ისტორია გავიხსენეთ მე და ჩემს მეგობარს შეყვარებულები რომ გვყავდა და ბოლოს რომ აღმოჩნდა, რომ იმათ პარალელურად სულ ჰქონდათ სხვა ურთიერთობაც. ჩემს დაქალთან მეორე ქალმა რომ დარეკა და იკითხა, მარიამმა თუ იცის რომ ქორწილი ჩამიშალაო, მე მაშინ გავიგე…ასე ხდება საქართველოში, მასიურად, იმიტომ რომ ქართველი კაცი( მათი დიდი უმრავლესობა) ბუნებით ავადმყოფი, პერვერტი კაცია და არც ქალისადმი გრძნობს რაიმე პასუხისმგებლობას და არც შვილისადმი. ქართველი კაცი უდაბნოა ემოციურად, მუდმივი შვილი. ერთიდაიმავე და მერე ოღონდ სადმე რამით გაიყუჩონ ეს მოწყენილობა..გაუწყლოვანება დაგემართება მათი პასიურობით, ცხოვრებისადმი არა შემოქმედებითი დამოკიდებულებით, მნიშვნელოვან ურთიერთობებში ემოციური ინვესტირების უუნარობით ძალადობას თუ გადაურჩი გაუწყლოვანება შუქს ჩაგიქრობს თვალებში …. ამ საზოგადოებაში შვილების გაზრდა საშიშია… ხო კოდუამაც დარეკა ჩემს ოჯახში ამასწინათ მარიამს პოსტი წააშლევინეთო და მას ჩვენ ვერ ვმართავთო, უპასუხეს… წ ა ა შ ლ ე ვ ი ნ ე თ … ხმამაღლა ლაპარაკობდა ყველაფერზე …”
კომენტარები