ერგნეთში, საოკუპაციო ხაზთან მცხოვრებმა გაჭირვებულმა მოსახლეობამ ვაშლის ბაღების გაჩეხვა დაიწყო. ამ მძიმე გადაწყვეტილებამდე მას შემდეგ მივიდნენ, რაც ხელისუფლებამ შეშის საყიდლად განკუთვნილი 200 ლარიანი ვაუჩერები აღარ დაურიგა, ვაშლის ფასი კი ისეა დაცემული, მის გაყიდვასაც მხოლოდ კაპიკებში ახერხებენ.
მოსახლეობა აცხადებს, რომ ხელისუფლებამ ისინი დაივიწყა და უკიდურესი გაჭირვებისთვის გაწირა:
“ამას კი არ უნდა ვჭრიდე, აი, ამ მარჯვენას უნდა ვჭრიდე მე, რომ მაგათ 20212-ში ხმა მივეცი. 15 ტონა მოსავალი მოვიყვანე და ფული არ მაქვს. გეფიცებით, ვერ ვახერხებ, იმიტომ, რომ ისეთ დაბალ ფასებში… ბანკის ვალი მაქვს ახლა 8 ათასი შესატანი, გული მისკდება. რუსეთთან რომ ცუდად ვართ, რუსეთთან, რომ მეგობრულად ვართ, არ მინდა საერთოდ, სულ გავჩეხავ… რუსეთმა, რომელმაც მე ძმები დამიხოცა, რომლებიც მე ტერიტორიას მართმევს, იმისი არც ბაზარი მჭირდება და არც მეგობრობა. აგერ გაუკეთეს ზოგს სამაცივრე მეურნეობა, დაეხმარნენ, დაფინანსება მისცეს, ყველანაირად შემზღუდეს, იმიტომ, რომ ვინც ოპოზიციაში ხარ, შეზღუდული ხარ ყველანაირად, – ამბობს ერგნეთის მცხოვრები.
კომენტარები