პარტია “მოქალაქეების” წევრი, ლევან იოსელიანი:
“მიმდინარე პოლიტიკურმა პროცესებმა, მეათე ხარისხოვნად აქცია პრობლემა რომელიც ჩემი აზრით ჩვენი მოსახლეობისთვის პირველ ხარისხოვანია.
15 ივლისს გამოქვეყნდა ჯანდაცვის მსოფლიო ორგანიზაციის (WHO) ბოლო ანგარიში რომელმაც კიდევ ერთხელ დამარწმუნა, იმაში რაც ისედაც ვიცოდი და ყველასათვის ცნობილი იყო.
კერძოდ, თუ როგორი პრობლემების წინაშეა მოსახლეობა, განსაკუთრებით კი პენსიონერები, როცა ჯერი წამლების შეძენაზეა. ანგარიშის თანახმად საქართველოს მოსახლეობის ნახევარზე მეტი ჯანდაცვაზე კატასტროფული დანახარჯის გამო ან უკვე გაღარიბებულია, ან გაღარიბების რისკის წინაშე დგას.
ფარმაკოლოგიური მაფია ზუსტად იმ წამლებზე, რომლებიც პენსიონერებს ყველაზე მეტად სჭირდებათ, ყველაზე მეტ ფულს შოულობს. ფული იმ პენსიონერებზე კეთდება, რომლებსაც წამლების შესაძენად აღებულ სესხებს, ბანკები ყველაზე მაღალ პროცენტში აძლევენ.
მესმის, რომ ყველას უფლება დასაცავია, მაგრამ ამ ადამიანების სიცოცხლის და ჯანმრთელობის უფლებას როდის ან ვინ დაიცავს?”
კომენტარები