ადვოკატი ზვიად კორძაძე:
„თხოვნა ანუ ახლა ჩვენც მოგვისმინეთ:
1.აქტიურ პოლიტიკურ ცხოვრებაში ჩართვა არასდროს არ გვდომებია (თორე პოლიტიკაში ყველა ვართ ისე).
მიზეზი მარტივია – ჩვენ საქმიანობას უნდა დავანებოთ თავი, რაც დღემდე შეუძლებლად მიგვაჩნია.
2. არ ვართ არც ერთი პოლიტიკური ძალის მხარდამჭერები (ეს სამწუხაროა, საერთოდ არ არის კარგი ამბავი, მაგრამ მთლად ჩვენი ბრალი არ არის)
3. არჩევნებში ვის მივცეთ ხმა, ვწყვეტთ უშუალოდ იმ არჩევნების წინ.
4. როგორც წესი (მე პირადად არასდროს) არ მიგვიცია ხმა მოქმედი ხელისუფლებისთვის, (გვგონია, რომ უჩვენოდაც ბევრი ამომრჩეველი ყავს ხელისუფალს. ხელისუფალს და არა იმ პოლიტიკურ ძალას ვინც ხელისუფლებაშია)
მიზეზი მარტივია, ყველა ხელისუფალი ითხოვდა ჩვენგან, მისი მომხრე ვყოფილიყავით და თავს გვწონებდა არა გაკეთებული საქმით, არამედ დაპირებებით (რომლებსაც როგორც წესი მერე არ ასრულებდა)
5. ყოველთვის ვცდილობთ პლიუსის და მინუსიც დავინახოთ როგორც ხელისუფლების, ისე ოპოზიციის ქმედებებში. პლიუსების მოძებნა სულ უფრო და უფრო გვიჭირს.
6. თავს მივაკუთნებთ სამოქალაქო საზოგადოებას, რომლის ვალად მიგვაჩნია, ჰქონდეს პოზიცია ქვეყნისთვის მნიშვნელოვან საკითხებზე და არ იყოს გატრუნული.
7. თხოვნა პოლიტიკურს სპექრს ( ეხება ყველას):
ნუ ცდილობთ საზოგადოება დაყოთ მხოლოდ თქვენ მომხრეებად და მოწინააღმდეგეებად.
დატოვეთ ჩვენთვისაც ადგილი, ჩვენთვის, ვინც ვაფასებთ მხოლოდ ქმედებებს, გაკეთებულ/გაფუჭებულ საქმეებს და თქვენს მიმართ არ გაგვაჩნია არც სიყვარული და არც სიძულვილი.
არც ვაპირებს შეგიყვაროთ, რადგან სიყვარულიდან სიძულვილამდე ერთი ნაბიჯია.“
კომენტარები