“აი, ეს ადამიანის მსგავსი არსება, ამ იარაღს იქნევდა შუა ქუჩაში” – მაია ბუწაშვილი

ინფექციონისტი , მაია ბუწაშვილი, აქვეყნებს ფოტოს და წერს:

აი ეს ადამიანის მსგავსი არსება, საცვალში ჩატენილი იარაღით რომ დადის თავისივე უბანში, ახლახანს ამ იარაღს იქნევდა შუა ქუჩაში (დიდ დიღომში) და ქუჩის ძაღლების დახოცვით იმუქრებოდა. ამ სცენას უამრავი ადამიანი, მათ შორის ბავშვები, ესწრებოდა. როდესაც ვიდეოს გადაღება ვცადეთ, ისევ საცვალში ჩაიტენა იარაღი.

ამას ძაღლების ყეფაზე რომ პატარა გული შიშით უჩქარდება და იარაღს აძრობს, შეიძლება უცებ ბავშვის ტირილზე აეშალოს ნერვები და
ვინმეს დაახალოს, რა ვიცი.

ასეთებს კი არავინ სჯის, წლობით ციხეში ბანერზე მიხატვის და ხლაპუშკის სროლისთვის სვამენ ამ ქვეყანაში:( შინაგან საქმეთა სამინისტრო / Ministry of Internal Affairs of Georgia

პოლიცია გამოვიძახეთ და
იმის მაგივრად, რომ იარაღით მორბენალი კაცი მოძებნონ, დგანან უკვე საათზე მეტია და გვთხოვენ, რომ
პოლიციაში გავყვეთ და როგორც იციან ხოლმე, ათი საათი გვაყურყუტონ და ისევ ჩვენ დაგვაწყვიტონ ნერვები. რამდენიმე ადამიანი ერთი და იგივეს უყვება, ფოტო და ვიდეო ვაჩვენეთ და მათი ოპერატიული რეაგირება იმაში მდგომარეობს, რომ ძაღლებს უღებენ ვიდეოებს, როგორ ყეფენ (აღმოაჩინეს საშიში დამნაშავეები).

საკითხი იმაში მდგომარეობს ძაღლი მართლაც ყეფს თუ არა თუ იმაში, რომ
ვიღაც იარაღს იქნევს ქუჩაში?

ამიტომ არის, რომ ადამიანებს აღარ უჩნდებათ სურვილი პოლიციაში დარეკვის. ასეთ სიტუაციაში არაერთხელ ვყოფილვართ, საათებიან დაკითხვას შედეგი მაინც არ მოჰყოლია.

პოლიციელებს მრავალჯერ დავუსვი შეკითხვა, რას აკეთებენ იმისთვის, რომ ამ წუთებში ის გადარეული იარაღიანი კაცი არ იყოს საშიში საზოგადოებისთვის და მპასუხობენ, რომ არ არიან ვალდებულნი ანგარიში ჩამაბარონ. თან ერთ-ერთმა პოლიციელმა იქვე დააყოლა, რა ინტრიგანი ხალხიაო.

ვიდეოს რომ ვიღებდი, ამაზე საშინლად აეშალათ ნერვები და მიმტკიცებენ, რომ ამის უფლება არ მაქვს. რატომ არ მაქვს უფლება, ამაზე განმარტებას არ იძლევიან.