“აშშ–ის სასანქციო პოლიტიკა საქართველოს მიმართ “კვანტური მართლმსჯულების” კლასიკური შემთხვევაა” – ნაცვლიშვილი

ქართული ოცნების ყოფილი მაღალჩინოსანი, ლაშა ნაცვლიშვილი:

კერძოდ, თუ სანქცია გამოიყენეს, ეს არ ნიშნავს, რომ რამე დააშავე და თუ რამე დააშავე, ეს არ ნიშნავს, რომ სანქციას გამოიყენებენ.

შეგიძლია, მაგალითად, წლების მანძილზე ტერორში გყავდეს საკუთარი მოსახლეობა – აწამო პატიმრები, ქუჩაში ხოცო ხალხი, გაანადგურო ოჯახები, გააუქმო სიტყვის თავისუფლება და სასამართლო, გააყალბო არჩევნები, დაარბიო და მიიტაცო ტელევიზიები, დაარბიო და მიიტაცო ბიზნესი, გაძარცვო ჯარი და პენსიონერები, მაგრამ თუ სააკაშვილ-მერაბიშვილ-ადეიშვილ-კეზერაშვილ-გვარამია ხარ, ამერიკულ სანქციას “ვერ გამოიმუშავებ” და, შეიძლება, დაგაჯილდოვონ კიდეც.

იმავდროულად, თუ ამ ყველაფერს წერტილი დაუსვი, მაგრამ სხვის დანთებულ ხანძარში შენი სამშობლო შეშად არ შეუკეთე და, სულო ცოდვილო, ქვეყნის პოლიტიკის უცხოური გავლენისგან მინიმალურად დაცვის კონსტიტუციური პრინციპის ამოქმედება სცადე, პერშინგებივით დაგაყრიან სანქციებს.