„ჩვენი უპირველესი ვალია, ვიდგეთ მისი [მიხეილ სააკაშვილი] და ნებისმიერი პაციენტის ჯანმრთელობის სადარაჯოზე. ვიდრე ეს პაციენტი არის ჩვენს დაწესებულებაში, ვაკეთებთ და გავაკეთებთ ყველაფერს, რომ დადგეს ფეხზე,” – ამის შესახებ კლინიკა „ვივამედის“ დირექტორმა, ნინო ნადირაძემ განაცხადა.
ნადირაძის თქმით, სააკაშვილის ადვოკატებმა უნდა თქვან, სად დაისვა არასწორი დიაგნოზი.
„არასწორი დიაგნოზი გაქვთო, – მაჩვენონ სხვა დიაგნოზი, ჩვენ ეს თვალით არ გვინახავს. შეგვისწორეთ, თუ არასწორად ვმკურნალობთ. ჩამოსული ექსპერტები, რომლებიც კლინიკაში შევიდნენ, ჩვენს ექიმებთან არასდროს არანაირ კომუნიკაციაში შესულან. მათ ჩანაწერი არასდროს გაუკეთებიათ. არასდროს უთქვამთ, რომ ეს კი არა, ის დიაგნოზია. არავინ არაფერს გვეუბნება. ახლა ბატონმა კობმა გამოგვიგზავნა რაღაც დამატებითი კვლევების ჩატარების რეკომენდაცია, მაგასაც გავაკეთებთ, არ არის პრობლემა. ადვოკატები რომ ამბობენ, არასწორად არის დასმული დიაგნოზიო, გვითხარით, სად არის არასწორი დიაგნოზი და თუ იცით, სად არის სწორი პასუხი, დროს წელავთ? პაციენტის ინტერესებში ეს არაფრით შედის“, – განაცხადა ნინო ნადირაძემ „იმედის“ ეთერში.
კომენტარები