კოალიცია ,,ცვლილებისთვის” წევრი, ნუგზარ წიკლაური:
,,- აბა ბოიკოტს შედეგი სად მოუტანიაო? რომელ ქვეყანაშიო? რომელ მხარეშიო, – გლობუსს ატრიალებენ და არსადო, – თავადვე პასუხობენ.
შორს წასვლა არ გვინდა. საქართველოში მოიტანა და ეპოქალური იყო ის შედეგი, რადგან 1990 წლის მარტის კომუნისტური არჩევნების ბოიკოტმა გზა გაუხსნა ამ ქვეყანაში თავისუფალ და მრავალპარტიულ არჩევნებს.
მაშინაც იყო პარტკომთა შეგონებები, ფარსის ბრძოლის ველად დასახვა, კომკავშირელი ლიდერების ფლიდობა, ლენინური სტიპენდიანტების წერილები კედლის გაზეთებში, სიყალბე, ფარისევლობა… გახსენებაც კი შეგზარავს ადამიანს.
მაგრამ ქართველმა ხალხმა უარი უთხრა კომპარტიის მცდელობებს და ეს არჩევნები ვერ შედგა ეროვნული ბოიკოტის გამო.
და ამ ბოიკოტმა დაბადა ახალი საქართველო – 1990 წლის შემოდგომაზე ჩატარდა თავისუფალი არჩევნები, სადაც კომუნისტები და კომკავშირი დამარცხდნენ; ქვეყანამ ჩაატარა რეფერენდუმი და გამოაცხადა საქართველოს დამოუკიდებლობა – ნამგალი და უროს ნაცვლად ჩვენი გერბი და ჰიმნი გაგვიჩნდა, დიდება თავისუფლებას ვმღეროდით,
ეგ იყო ჩვენი სიამაყე, ჩვენი ძვირფასი თავისუფლება, ჩვენი იმედები…
ეს არის კითხვაზე პასუხი.
ბრძოლის ველს კი ამ სამარცხვინო კაპიტულაციას ნურავინ დაუძახებთ და ნურც იმის იმედი გექნებათ, რომ რუსული შხამით მოწამლავთ საქართველოს”
კომენტარები