თუ ვიღაც იმიტომ იცრება, რომ ევროპაში იმოგზაუროს, გასაგებია, რომ რაღაც ეჭვები გაუჩნდება – პაატა იმნაძე

დაავადებათა კონტროლის ცენტრის დირექტორის მოადგილის, პაატა იმნაძის განცხადებით, ის იმისთვის აიცრა, რომ ვირუსმა არ მოკლას და თუ ვინმე იმისთვის იცრება, რომ ევროპაში იმოგზაუროს, გასაგებია, რომ კითხვები გაუჩნდება სინოფრამით ვაქცინაციასთან დაკავშირებით.

“გააჩნია ვინ რატომ იცრება, მე იმიტომ ავიცერი, რომ კორონამ არ მომკლას და თუ ვიღაც იმიტომ იცრება, რომ უნდა ევროპაში იმოგზაუროს, გასაგებია, რომ რაღაც ეჭვები გაუჩნდება, მაგრამ მოდი, ისიც გავიხსენოთ, რომ ევროპის ტურისტული ინდუსტრიის, თუ არ ვცდები, 10-15% ჩინელი ტურისტებით არის დაკავებული და ისიც გავიხსენოთ, რომ ევროკავშირის წევრი ქვეყანაა უნგრეთი, სადაც თუ არ ვცდები, მილიონამდე ადამიანია სინოფარმით აცრილი და არ მგონია, რომ ევროკავშირმა უნგრეთს დაუკეტოს ევროპაში გადაადგილება”, — განაცხადა იმნაძემ TV პირველის ეთერში.

“ალია” შეგახსენებთ, მიუხედავად იმისა, ვინ რის გამო იცრება, დღეს ლევან გოფოძემ გვითხრა, რომ აცრისთვის ყველა ფანჯარა შევსებულია და რეგისტრაციას ვეღარ შევძლებთ.