გადაცემა “კომენტარში” დაავდებათა კონტროლის ეროვნული ცენტრის დირექტორის მოადგილემ, პაატა იმნაძემ, თქვა:
“შარშან ძალიან კარგად გაითვალისწინა საპატრიარქომ ყველა რეკომენდაცია. მთელი მსოფლიო მოიარა იმ კადრებმა, როგორ დგას ეკლესიაში ხალხი. წელსაც საპატრიარქომ სრულიად გაითვალისწინა რეკომენდაციები და ისევ ისე იქნება, დისტანცია იქნება დაცული, პირბადეები და…
კი მაგრამ, დღეს საქართველოში გახსნილია რესტორნები, ხალხი რესტორნებში დადის, გახსნილია კინოთეატრები და მარტო ეკლესიაზე გახდა რატომ არის? საქართველოში ყველაფერი გახსნილია.
ჩვენთან რაც ხდება დღეს, ეს 1 500 შემთხვევა რომ გვაქვს დღეში და ეს 1 500 შემთხვევა არ არის 3 ათასი უკვე დღეში, აი ამის გამჩერებელი დღეს არის სწორედ ის მოქმედი შეზღუდვა ღამის საათებში გადაადგილებაზე. ეს არის დღეს ერთადერთი მოქმედი რეგულაცია ამ ქვეყანაში. ნახეთ რა ხდება სხვა ქვეყნებში, გერმანია რომ გერმანიაა, არასოდეს ჰქონიათ კომენდანტის საათი და დააწესეს ახლა. მართლა მთვარეზე ხომ არ ვართ არა? დედამიწაზე ხომ ვართ… მაგან მოგვცა საშუალება, რომ ყველაფერი გახსნილიყო ქვეყანაში და მარტო ამ კომენდანტის საათით დავიჭიროთ სიტუაცია ისე, რომ არ იყოს კატასტროფული მატება შემთხვევების.
წლის ბოლომდე 60%-ის აცრა ძალიან რეალისტურია იმიტომ, რომ ჩვენ გვაქვს ამის გამოცდილება, როგორ შეიძლება უფრო ფართოდ გაიშალოს. მოგეხსნებათ, ტრაგიკული შემთხვევის მერე, რაც მოხდა ვაქცინაციის კამპანიის დასაწყისში, შეიზღუდა სავაქცინო ადგილები კლინიკებით, ისიც ყველა კლინიკაში ახლა, ახლა კლინიკები გაფართოვდა და უკვე სინოფარმზე ჩაერთო პოლიკლინიკური ქსელი. დამერწმუნეთ, როცა ადამიანები დარწმუნდებიან, რომ უსაფრთხოა, ვაქცინაცია ყოველდღიური რუტინა გახდება. ისევე, როგორც სხვა ქვეყნებში, ჩვენთანაც ფართოდ გაიშლება ვაქცინაცია, ზაფხულიდან.”
წყარო – ფორმულა
კომენტარები