დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ამბობს, რომ ჩინური ვაქცინა სინოფარმი “100%-ით იცავს ჰოსპიტალიზაციისგან, მძიმე შემთხვევისგან და სიკვდილისგან”.
პაატა იმნაძე:
“სინოფარმი გამოიყენება მათ შორის ევროპის რამდენიმე ქვეყანაში, რეგისტრირებულია უნგრეთსა და სერბეთში და ფართოდ გამოიყენება. მხოლოდ სერბეთში უკვე 2 მლნ დოზაა გამოყენებული. აღარ ვლაპარაკობ იმ 200 მლნ დოზაზე, რომელიც თავად ჩინეთში გამოიყენეს. ვაქცინა არის საკმაოდ მაღალეფექტიანი – 79% არის სიმპტომური დაავადების საწინააღმდეგო ეფექტი. თითქმის 100%-მდე ადის ის შემთხვევა, როცა იცავს ჰოსპიტალიზაციისგან, მძიმე შემთხვევისგან და სიკვდილისგან”.
ჩინურ სინოფარმს ჯერ ჯანდაცვის მსოფლიო ორგანიზაციის ავტორიზაცია არ აქვს, თუმცა, როგორც საქართველოს ხელისუფლების წარმომადგენლები ამბობენ, აქვს უნგრეთის მკაცრი მარეგულირებლის ავტორიზაცია.
კომენტარები