დავაინიცირებთ კანონპროექტს, მივიღებთ ამნისტიის აქტს და ამით ყველა შევასრულებთ ნაკისრ ვალდებულებას,- ამის შესახებ უმრავლესობის წევრმა ანრი ოხანაშვილმა განაცხადა, რითაც გამოეხმაურა ნიკა მელიას განცხადებას, რომ ამნისტიის კანონის გამოთხოვის შემთხვევაში, მზადაა, ევროკავშირის გირაოს ნაცვლად საპატიმრო დატოვოს.
ანრი ოხანაშვილი:
“ერთ-ერთი შემადგენელი ნაწილი შეთანხმების არის ამნისტიის აქტი, რომლითაც პარტიები კისრულობენ ვალდებულებას და იღებენ პასუხისმგებლობას, რომ მაქსიმალურად ხელი შეუწყონ დეპოლარიზაციას, ადამიანის ბედით მანიპულირებას და ეს ნიშნავს იმას, რომ ამნისტია უნდა გამოიცეს. ეს მნიშვნელოვანი შეთანხმება ვინმეს ნება-სურვილზე არ არის დამოკიდებული. ნიკანორ მელიას ნებაზე არაა დამოკიდებული მისი იმპლემენტაცია.
ყველა პირი არის თანასწორი კანონის წინაშე. თუ ვთანხმდებით იმაზე, რომ ვინმეს შესაძლო დანაშაული უნდა ეპატიოს, პარტიებაზე მაღლა არ შეიძლება დადგეს კონკრეტული პრივილეგია თანამდებობის სახით. ამიტომ ჩვენ ან ვპატიობთ სავარაუდო დანაშაულს ნიკანორ მელიას და სხვა პირებს, თუ ეს დაუმტკიცდებათ, ან არ ვპატიობთ”
კომენტარები