“ენმ”-ის ყოფილი წევრი, სალომე სამადაშვილი, “ნიკა არაბიძის შოუში” ამბობს:
“ასე შევაფასებდი, რომ ნაბიჯი წინ გადავდგით… მაგრამ, მთავარია ისე არ მოგვივიდეს, კახა ბენდუქიძემ რომ თქვა 2012 წელს, არჩევნებით შეიცვალა ხელისუფლება, ნაბიჯი გადადგა ქვეყანამ წინო და კი გადადგა ნაბიჯი წინ, მაგრამ რაში ჩადგა ფეხიო… მთავარია, ეს შეთანხმება ასე არ გამოვიდეს. ყოველთვის კარგ ადგილას არ ვდგამთ ფეხს…
გუშინ გიგა ბოკერიამ თქვა, სალომე იმდენ ხანს იყო ევროკავშირში ელჩი, იმათ მხარეს გადავიდაო…
ჩვენ გაგვაკრიტიკეს, რატომ იყავით ვახშამზეო, მაგრამ სამუშაო ვახშამი იყო და არმისვლა უხერხული ამბავი იყო. ნაციონალური მოძრაობა, ალბათ, განცხადებით შევა სააკაშვილთან, ვისაც სალომე ჰქვია, აღარ გაეკარონ, თავის დროზე სალომე ზურაბიშვილიც ხომ მიშამ დანიშნა საგარეო საქმეთა მინისტრად.
ჩვენ ვამბობთ, რომ შევალთ პარლამენტში, თუ ნიკა მელია და გიორგი რურუა გამოვლენ პარლამენტიდან. ჩვენთვის დღეს მთავარია, ჩვენი მეგობრები გამოვიდნენ საპატიმროდან.
-იმათიც მესმის, ქვეყანა ისეთ დღეში, იქნებ იქ ჯობია? – ეკითხება ნიკა არაბიძე
-ვითარება არის ესეთი, ან გამოგვადგება ეს შეთანხმება და საქართველოს პარლამენტი შეივსება, ან ციხე შეივსება, ვნახოთ რა გამოვა, ციხე აღმოჩნდება შევსებული ქართველი პოლიტიკოსებით, თუ პარლამენტი, გამოჩნდება უახლოეს მომავალში. ჩვენ გვინდა, რომ ციხე გავათავისუფლოთ და პარლამენტი შევავსოთ, მაგრამ თუ ხელისუფლება ამ შეთანხმების პირობებს დაარღვევს, ვფიქრობ, პირიქით შეიძლება აღმოჩნდეს.
შარლ მიშელი გაოცებული იყო, ამხელა კარიერა მაქვს და 6 კვირის მანძილზე ორჯერ რომ ჩავსულიყავი სადმე, ეგეთი რამე არ მახსოვსო, მოკლედ, აწრიალებული გვყავს მთელი ევროპა…”
კომენტარები