“ერთი აქედან შეგახედათ, რა @@@ებს გავხართ…”

უშიშროების ყოფილი მინისტრი, კონსტიტუციონალისტი, ვალერიან ხაბურძანია, სოციალურ ქსელში, წერს:

“ფბ-ს ჩავხედე და ბევრჯერ მოყოლილი ამბავი გამახსენდა. ჯიმი მიქელაძე (აცხონოს ღმერთმა) ხანდახან ესწრებოდა უშიშროების საბჭოს შსს მინისტრის არყოფნის დროს და ალბათ მოადგილეებიდან ეგ თუ ჯდებოდა მაგიდასთან.

ერთხელაც შევარდნაძე აგვიანებს შემოსვლას და ბატონი ჯიმი ადგა, დადის, ხან ერთ მინისტრთან მივა, გაეხუმრება, ხან მეორესთან, უცებ შეტრიალდა და შევარდნაძის სავარძელში ჩაჯდა.

ყველას სახე წაეშალა და ბატონი ჯიმი ეუბნება, ერთი აქედან შეგახედათ რა @@@ებს გავხართო. ეს მინისტრებს ეხებოდა…

ჰო და პოლიტელიტას უნდა ვუთხრა ერთი აქედან (ჩრდილოეთიდან, ალბათ დასავლეთიდანაც…) შეგახედათ რას გავხართ.

P.S. ღმერთო, მიეცი ხალხს გონი და ჩემ ქვეყანას სწორი და მართალი არჩევანი.”