სამხედრო ექსპერტი არცრუნ ოვანისიანი არც უარყოფს და არც ადასტურებს ინფორმაციას იმის შესახებ, რომ აზერბაიჯანელი გენერალი მაისა ბარხუდაროვა სომხეთის არმიამ ცოცხლად ჩაიგდო ტყვედ. ინფორმაციას გამოცემა “JAM NEWS” ავრცელებს.
როგორც ექსპერტი აცხადებს, სომხეთის სამხედრო ძალებმა შეძლეს პოზიციების გაუმჯობესება, თუმცა აზერბაიჯანის მხარე კონტრშეტევებს აგრძელებს.
„დილით ადრე, მძიმე საარტილერიო შეიარაღების შევსების შემდეგ, აზერბაიჯანის სამხედრო ძალებმა განაახლეს საბრძოლო მოქმედებები. ბრძოლა გრძელდება“, – აცხადებს სამხედრო ექსპერტი.
მისივე თქმით, აზერბაიჯანულ მხარეს მოწინააღმდეგისთვის არ მიუმართავს მოთხოვნით, რომ თავისი სამხედროების ცხედრები გადაესვენებინა.
„სომხეთის არმიამ გამოქვეყნა ვიდეო, სადაც ჩანს მოკლული აზერბაიჯანელი სამხედროების ცხედრები. ოფიციალურად გამოცხადდა, რომ ჩვენს მხარეს დარჩა გარდაცვლილთა ცხედრები“, – ამბობს არცრუნ ოვანისიანი.
კითხვაზე, დასტურდება თუ არა, რომ სომხეთის მხარეს ტყვედ ჰყავს აზერბაიჯანელი გენერალი მაისა ბარხუდაროვა, ექსპერტმა უპასუხა, რომ სომხეთის მხარე არ ადასტურებს ცოცხალი ტყვეების შესახებ ინფორმაციას.
„რამდენადაც აზერბაიჯანელი სამხედროების ცხედრები ბევრია, სხვა ინფორმაციას ვერც დაგიდასტურებთ და ვერც უარვყოფ“, – განაცხადა სამხედრო ექსპერტმა.
ამავდროულად, სამხედრო ექსპერტმა დაადასტურა ინფორმაცია, რომ აზერბაიჯანული მხარე ქალაქ მარტაკერტსა და მის მიმდებარე დასახლებულ პუნქტებს ბომბავს. თუმცა ის უარყოფს აზერბაიჯანული მხარის გავრცელებულ ინფორმაციას, რომ საბრძოლო მოქმედებების შედეგად, სომხეთის მხარეს 100-ობით ადამიანი დაიღუპა. თუმცა, ოვანისიანმა დაადასტურა, რომ სომხურ მხარეს 200-მდე დაჭრილი ნამდვილად ჰყავს.
2020NEWS.GE
კომენტარები