“სააკაშვილი ვერც არჩევნების მერე ჩამოვა საქართველოში – სააკაშვილი ივანიშვილის საყრდენია!”

პოლიტიკური მოძრაობა “ტრიბუნას” ლიდერი, ისნის მაჟორიტარი დეპუტატობის კანდიდატი, დავით ჭიჭინაძე, სოციალურ ქსელში, წერს:

“ რა გამოდის, წარსულსა და უიმედობას შორის უნდა გავაკეთოთ არჩევანი?!

არ მგონია ამისთვის ვიყოთ განწირულები!

დღეს თუ ვინმეა დასამარცხებელი, ეს ჩვენი უღირსი წარსულია!

ის მევახშური წარსული, რომელიც დღესაც არსებობს და ბოგინობს!

ის ყველაფერი, რაც სააკაშვილმა მოიტანა.დღეს ბოდიშს იხდის და ავიწყდება, როგორც ჩანს, როგორ ხდებოდა იძულებითი საპროცესო გარიგებებით ხალხის გატყავება, ბინების, ქონების წართმევა…ვალებით გაივსო ქვეყანა მის დროს, როგორც საშინაო, ფიზიკური პირების, ისე საგარეო ვალებით!და თუ მართლა თავს დავიბრმავებთ და ისევ „ნაცებზე“ და „ოცნებაზე“ ვისაუბრებთ, რა თქმა უნდა ამ ქვეყანას პერსპექტივა მართლა არ ექნება.მოკლედ, ვუსმინე სააკაშვილს და მისი ცნობილი ცრემლი დამაკლდა, გულაჩუყბული რომ ესაუბრებახოლმე ხალხს.არადა, მართლა რომ თვალსა და ხელს შუა იტყუება ყოველთვის და ყველაფერს.ახლაც, წალმებზე საუბრობს და ოქრიაშვილი დაიბრუნა პარტიაში; სამრთლიანობაზე და მერაბიშვილი უდგას გვერდით…ჩვენ კი, ისეთი ხელისუფლებაც არ გვყავს, რომელც ადეკვატურ პასუხს გასცემს.პირიქით, მისი ნამოღვაწარის ხარჯზე ცდილობენ ძალაუფლების გახანგრძლივებას. „ქართულმა ოცნებამ“, თუ რამე შესაჭმელი იყო გადარჩენილი, ბოლომდე შეჭამა და გამოხრა.

ასე რომ, მე არ მეგულება არცერთი პოლიტიკური ძალა, „ნაციონალების“ გარდა, რომელიც სააკაშვილს აპატიებს იმ დანაშაულებებს, რაც ამ ქვეყნის წინაშე აქვს ჩადენილი.

ამიტომ, სააკაშვილი ვერც არჩევნების მერე ვერ ჩამოვა საქართველოში.

ივანიშვილი კი, კვლავაც, როგორც არაერთხელ, შეეცდება სწორედ სააკაშვილი გამოიყენოს მაშველ რგოლად, რადგან სწორედ სააკაშვილია ივანიშვილის საყრდენი.”