ჟურნალისტი, დათო გამცემლიძე:
უპატრონო ძაღლების ქვეყანა. . . . . . . . . . . . . . . . . . . . .ჯერ გორის ტრაგედიაზე:ანგელოზივით დედა-შვილი დაიღუპა.მოკლა გარეწარმა, ვისაც დაახლოებით 1000 დოლარი ჰქონდა 250 ჯარიმაში გადახდილი, თუმცა „ეკიდა“ ის ჯარიმები და როგორც უნდოდა ისე დადიოდა.
რატომ?აბა ჩავხედოთ კანონმდებლობას:სიჩქარის გადაჭარბებაზე და სხვა ამგვარ დარღვევებზე არის ჯარიმა, მაგრამ…….„ქულები“, რომლებიც საბოლოოდ (თუ ამოიწურა) მართვის მოწმობის ჩამორთმევით ისჯება, აღვირახსნილ მძღოლს მხოლოდ იმ შემთხვევაში აკლდება, თუ დარღვევა არა ქუჩის კამერამ, არამედ „ცოცხალმა პატრულმა“ დააფიქსირა, გამოწერა ჯარიმა, მოაკლო ქულები და ა.შ.არ გეჩვენებათ უცნაურად?თუკი ჯარიმა იწერება „კამერის მონაცემებით“, ქულები რატომ არ აკლდება იმავე კამერის მონაცემებით?პასუხი: იმიტომ, რომ ხელისუფლებამ იცის – თუ „კამერას მიებმება“ ქულების დაკლება, მერე ჩამორთმევა, ეს სასტიკ უკმაყოფილებას გამოიწვევს ე.წ. „ქართველ მძღოლებში“.მათი დიდი ნაწილის ჩლუნგი მენტალობა დაახლოებით აი ასეთ ნარატივს პროდუცირებს:„მე ხომ (ჯერ) არავინ მომიკლავს?! აი რომ მოვკლავ, მერე ჩამსვი ციხეში, ოღონდ მე (მე!!) ეს არ დამემართება. დავარღვიე? დამაჯარიმე. მაგრამ ქულებს რატომ მიკლებ და მართვის მოწმობას რატომ მართმევ? მანქანა ჩემი ოჯახის წევრია!“სწორედ ამ გარდაუვალი რეაქციის გამო, ყველა ხელისუფლებას საქართველოში…… ამ ხელისუფლებასაც, წინა ხელისუფლებასაც, იმის წინა ხელისუფლებასაც……. ე შ ი ნ ო დ ა იმ ერთადერთი ქმედითი გადაწყვეტილების მიღების, რაც „გორელ გარეწარს“ და მისთანებს აღარ მისცემდა საშუალებას, ადამიანები დაეხოცა.მართვის მოწმობის „ქულები“ რომ კამერებზე იყოს მიბმული, როგორც ჯარიმებია, ის საბრალო დედა-შვილი დღეს ცოცხლები იქნებოდნენ და კიდევ ცოცხალი იქნებოდა უამრავი ასეთი უმწეო, უდანაშაულო ადამიანი, რომელთა ქუჩებში ხოცვა-ჟლეტის მაჩვენებლით, ეს „სახელმწიფო“ აფრიკის ყველაზე ბინძური, ველური, ბნელი ქვეყნების დონეზეა.იმიტომ, რომ ხელისუფლებ(ებს), ვიმეორებ, ე შ ი ნ ი ა თ არაპოპულარული გადაწყვეტილებების მიღების.ამ შემთხვევაში უმარტივესის: „ქულების დაკლების“ მიბმა კამერებით (და არა მხოლოდ „ცოცხალი პატრულის“ მიერ) დაჯარიმებაზე.თორემ არჩევნებს წააგებენ, ან ბრბოს რევოლუციას მიიღებენ.ასე იყო, არის და იქნება მუდამ. . . . . . . . . . . . . . . . . . . . .ახლა მეორე მაგალითი:ნებისმიერ უცხოელს, ვინც პირველადაა საქართველოში, თუ ჰკითხავთ: „ყველაზე მეტად რა არ მოგეწონაო“, დაუფიქრებლად გიპასუხებთ: „უპატრონო ძაღლები ყველგან – ქუჩაში, სადარბაზოებში, მაღაზიებში, სავაჭრო ცენტრებში, ტრანსპორტში, მეტროში, ავტობუსებში……ასეთი მარაზმი აფრიკაშიც არ მინახავსო“რა არის ამის მიზეზი?ისევ და ისევ ის, რომ ხელისუფლებას (ამ ხელისუფლებასაც, წინა ხელისუფლებასაც, იმის წინა ხელისუფელბასაც) ე შ ი ნ ი ა მიიღოს ის ერთადერთი გადაწყვეტილება, რაც მიიღეს ყველა ცივილიზებულ ქვეყანაში და რაც კატასტროფულად არაპოპულარულია საქართველოში: ცხოველთა აყვანის უმკაცრესი კონტროლი!!ნახეთ რა ხდება ჩვენში: ვიღაც უპასუხისმგებლო დეგენერატი აიყვანს პატარა ლეკვს, გაზრდის ასე თუ ისე…… მერე ყირჭდება, ზიზღდება, წაიყვანს სადმე მანქანით, მიაგდებს ტყეში ან შორეული უბნის ქუჩაზე და….მორჩა.აი ეს არის მთავარზე მთავარი, ყველაზე არსებითი მიზეზი იმ საზიზღრობისა, რაც ხდება!მაშინ როდესაც ევროპის ქვეყნებში……ნურას უკაცრავად: თუ ლეკვს აიყვან, უნდა დაარეგისტრირო; შემდეგ 3 თვეში ერთხელ მოვა სპეციალური სამსახური, გააკონტროლებს, შეამოწმებს, – თუ აღარ გინდა ძაღლი, გადაიხდი დიდ ჯარიმას და ჩააბარებ თავშესაფარში.საქართველოში ამას ისევ და ისევ ჩლუნგი ეროვნული მენტალობა ეწინააღმდეგება შემდეგი ნარატივის ბღავილით: „ოჯახში მივარდებიიიიიიიიიიი?!!! რას ქვია მიმოწმებ ძაღლი გავაგდე თუ არაააააააა? მოკვდა და დავმარხე! რატომ არ განვაცხადეეეეეეე? არ არის შენი საქმე რატომ არ განვაცხადე, არ მეცალა. რა შენი საქმეა? ფაშიზმში ვცხოვროოოოოოოოობთ, ტოტალიტარიზმში ვცხოვროოოოოოოობთ!!……“ და ასე შემდეგ.მერე ამ მარაზმს რა თქმა უნდა აიტაცებს ოპოზიციური მედია, ანტი-სახელისუფლებო პროპაგანდა, რუსთაველი….. ქუჩა…… რევოლუცია და ა.შ.არადა, სანამ ეს ელემენტარული გადაწყვეტილება არ იქნება მიღებული, რამდენი ძაღლიც არ უნდა აცრა, რამდენიც არ უნდა გაასტერილურო, რამდენი თავშესაფარიც არ უნდა მოაწყო ცხოველებისთვის, იგივე მარაზმი შენარჩუნდება.მაგრამ……საშინლად არაპოპულარული გადაწყვეტილებაა.ამიტომაც ეშინიათ ხელისუფლებ(ებს) ანუ ყველა ხელისუფლებას – ამასაც, წინასაც, იმის წინასაც…… და ვართ ასე, სრულ მარაზმში, როდესაც სახელმწიფო მის ელემენტარულ ფუნქციას ვერ ასრულებს, დაიცვას ადამიანი და ადამიანური ცხოვრების ცივილიზებული ნორმები.ევროპა არა კვატი!
ოდესმე ეშველება რამე ამ საქმეს?არა მგონია.იმიტომ, რომ მენტალობა არ იკურნება.
კომენტარები