ჯანგველაძის საქმეზე სასამართლოში მორიგი პროცესი იწყება – სხდომაზე სანდრო წივწივაძე და გიორგი მიქაძის დაცვის წევრი გამოიკითხებიან

ლევან ჯანგველაძის მკვლელობის საქმე დაცვის მხარის მტკიცებულებების გამოკვლევით გრძელდება — სასამართლოში დღეს სანდრო წივწივაძეს დაკითხავენ.

საქმის ფარგლებში, იარაღის უკანონო გასაღებისთვის მსჯავრდებული პატიმრის გამოკითხვას დაცვის მხარე ითხოვს. ადვოკატების განცხადებით, აღნიშნული ჩვენება საქმეში არსებულ გარემოებებს მნიშვნელოვნად ეხება.

ჯერჯერობით უცნობია, აპირებს თუა არა სანდრო წივწივაძე დღეს სასამართლოში გამოცხადებას.

დაცვის მხარის მოწმეთა სიაში ასევე ფიგურირებს გიორგი მიქაძის დაცვის წევრი, რომლის დაკითხვაც სასამართლო პროცესის ფარგლებში იგეგმება.

დაცვის ხმარის მტკიცებით, დღევანდელმა მოწმემ უნდა დაადასტუროს, რომ სასტუმრო, რომელშიც, გამოძიების ვერსიით, ლევან ჯანგველაძის მკვლელობა იგეგმებოდა, გიორგი მიქაძესთან შემხებლობაში არასდროს ყოფილა.

დღეს სასამართლოშ წარმოდგენილია ორი მოწმე. ერთი გახლავთ ამავე საქმეზე ბრალდებული სანდრო წივწივაძე, ხოლო მეორე გიორგი მიქაძის დაცვის წევრი. ეს უკანასკნელი სასამართლოს დაუდასტურებს, რომ გიორგი მიქაძეს სასტუმრო “თაუერთან” რაიმე შეხება, რაც თავის მხრივ დაკავშირებული იქნებოდა ლევან ჯანგველაძის მკვლელობის ორგანიზებასთან, ასეთს ადგილი არ ჰქონია.

რაც შეეხება სანდრო წივწივაძეს, ეს უკანასკნელი დაცვის მხარეს გამოკითხული ჰყავს მოწმის სახით გამოძიებაშივე, სადაც მან კატეგორიულად გამორიცა მისი იარაღების დავით მიქაძესთან რაიმე შემხებობა და ხაზგასმით კიდევ ერთხელ განმარტა, რომ იარაღების დაკარგვას ჰქონდა ადგილი 2019 წლის შემდეგ, როდესაც მან საქართველო რამდენიმე თვით დატოვა, – ამბობს ადვოკატი.

განსხვავებული პოზიცია აქვს ბრალდების მხარეს — პროკურორის განცხადებით, დაცვის მოწმის ჩვენება სანდოობასთან დაკავშირებით სერიოზულ კითხვებს აჩენს.

კაცმა, რომელიც, როგორც თვითონ ამბობს, 25 წელია იცავს გიორგი მიქაძეს, ოღონდ არ იცის, რას საქმიანობდა გიორგი მიქაძე, არ იცის გიორგი მიქაძის მობილური ტელეფონის ნომერი, არ იცის, რა მანქანით გადაადგილდებოდა გიორგი მიქაძე, ამ ფონზე დაცვიოს მხარეს სურს, წარმოაჩინოს, რომ ამ მოწმემ იცის, რომ სასტუმრო “თაუერთან” არ ყოფილა გიორგი მიქაძე. რასაკვირველია, ბრალდების მხარეს ექნება საკმაოდ კრიტიკული შეკითხვები ამასთან დაკავშირებით, მაგრამ ასევე განსაკუთრებით კითხვები ექნება, როდესაც 21 მარტს დატოვეს საქართველოს ტერიტორია გიორგი მიქაძემ და აპირადად მან, რატომ მოხდა, რომ დაცვის წევრია და წავიდა ცალკე და გიორგი მიქაძე წავიდა ცალკე? ასევე ძალიან მნიშვნელოვანია, იმიტომ, რომ ეს მოწმე ჩვენც გვყავს გამოკითხული, და ის აფიქსირებს იმ გარემოებას, რომ გიორგი მიქაძის დაცვის წევრია და გიორგი მიქაძე იტალიაში წავიდა თურქეთის გავლით, ხოლო თავად წავიდა პირდაპირი რეისით საქართველოდან, – ამბობს პროკურორი.

ყველაზე მკაცრი რეჟიმის ციიდან გიორგი მიქაძე უკვე ეტაპირებულია, ის დღევანდელ სასამართლო პროცესს დაესწრება.