“შიმშილობს და წყლის გარდა არაფერს იღებს”– რა მოხდა თამარ მეარაყიშვილის ე.წ. სასამართლო პროცესზე?

ცხინვალის საოკუპაციო რეჟიმმა ახალგორებული აქტივისტის, თამარ მეარაყიშვილის ადვოკატს გაუთქმელობის დოკუმენტზე მოაწერინეს ხელი.

თამთა მიქელაძის ინფორმაციით, სასამართლო სხდომა დახურული იყო და თამარმა მშობლების და მეგობრების ნახვაც კი ვერ შეძლო.

თამარ მეარაყიშვილის საქმეზე დღეს სასამართლო პროცესი გაიმართა და მას აღკვეთის ღონისძიების სახით 2 თვიანი პატიმრობა შეეფარდა.
სასამართლო სხდომა დახურული იყო და თამარმა მშობლების და მეგობრების ნახვაც კი ვერ შეძლო.
ადვოკატი ვერ აზიარებს ინფორმაციას საქმის სპეციფიკის და გაუხმაურებლობის წესის გამო.
თუმცა ტელეგრამ გვერდის ინფორმაციით, მტკიცებულებები თამარას საქმეზე პრაქტიკულად არ აქვთ და მას სოციალურ ქსელში გამოქვეყნებულ რაღაც ფოტოზე ედავებიან, რომელზეც თითქოსდა სტრატეგიული ობიექტია გამოქვეყნებული.
ჯაშუში, რომელიც საკუთარ სოციალურ ქსელში დებს ფოტოს საიდუმლო დოკუმენტებს! სასაცილოა, არა?! ეს როგორ უნდა გაიყიდოს ადგილობრივ საზოგადოებაში, ან თუნდაც de facto სასამართლოში (სადაც თამარამ წინა ჯერზე საქმეები მოიგო სხვათა შორის)?!
ყველაზე მძიმე ამბავი ისაა, რომ თამარა შიმშილობს და წყლის გარდა, რომელსაც წამლისთვის სვამს, არაფერს იღებს.
ქალს, რომელსაც თითქმის 10 წელია დევნიან, ჩამოართვეს პირადობის დოკუმენტები და გადაადგილების შესაძლებლობა, შემდეგ დაუკეტეს პატარა მეორედი ტანსაცმლის მაღაზია ცხინვალში, რომელიც მისთვის შემოსავლის ერთადერთი წყარო იყო, ახლა ჯაშუშობას აბრალებენ. რამდენ რამეს გადის ეს მეომარი ქალი!
რასაც ვაკვირდები, ცხინვალში ბევრი დისკუსიაა იმის შესახებ თუ რატომ დააკავეს თამარა. ნაწილი ფიქრობს, რომ მისი დაპატიმრება უკმაყოფილების გამოხატვის მცდელობის ჩახშობაა და აზრის გამოხატვის და პროტესტის ყველა ნიშანწყალს ახშობს de facto რეჟიმი. ნაწილი კი ფიქრობს, რომ de facto რეჟიმი ამით, მის მიმართ არსებული უკმაყოფილებების გადაფარვას ცდილობს.
ჩემთვის არ არის გამორიცხული, რომ ოსურმა მხარემ თამარას პატიმრობის საქმე შეიძლება ჩორჩანას საგუშაგოს გაუქმების საკითხის ფორსირებისთვის გამოიყენოს და აქ და ახლა მისი დაკავება ამ მიზნებითაც მოხდა.
ისე ცხინვალში და თბილისშიც განსხვავებული მოსაზრებები და სამოქალაქო საზოგადოება რომ აგენტის, ჯაშუშის, მოღალატის იარლიყით იდევნება, ძალიან მძიმე სანახავია!”- წერს სოციალურ ქსელში თამთა მიქელაძე. 

მეარაყიშვილს ორ თვიანი პატიმრობა აქვს მისჯილი, გაჩხრიკეს მისი სახლი.

ევროკავშირის სადამკვირვებლო მისიაამ დაპატიმრებული ქართველი აქტივისტის საქმეზე ცხელი ხაზი აამოქმედა, რაც ინფორმაციის გაცვლას ითვალისწინებს.ახალგაზრდა ქალს, საოკუპაციო რეჟიმი „ჯაშუშობის“ ბრალდებით ასამართლებს.