აშშ-ში ემიგრაციაში მყოფი პეტრე კოლხი სოციალურ ქსელში განკარგულებას აქვეყნებს და წერს:
,,საქართველო, მართლა რატომ არ დაიღალე ამდენი შვილის გასხვისებით !…
მოხარული ვარ და მსურს თქვენც გაგიზიაროთ მნიშვნელოვანი და მადლით აღსავსე ამბავი.
უკრაინის ეკლესიამ, აღადგინა რუსეთის ეკლესიის მიერ უსამართლოდ შეჩერებული ჩემი მღვდელმოქმედება და დამადგინა ფილადელფიაში არსებულ უკრაინული ეკლესიის ქართული სამწყსოს მღვდლად.
მადლიერებით ვადიდებ უფალს, ჩვენს მაცხოვარ იესო ქრისტეს.
განსაკუთრებულ მადლობას ვუხდი ჩემს მეგობარს, ავსტრალიაში მოღვაწე მამა მიქაელს,
ასევე მეუფე ლუკას — რუსეთის ეკლესიის მიერ დევნილსა და გაძევებულს — რომლებმაც მიპოვეს, მხარში დამიდგნენ და ძმური მხარდაჭერა აღმომიჩინეს.
განსაკუთრებული პატივისცემით და მადლიერებით ვიხსენებ მის უწმინდესობას,
პატრიარქ ფილარეტს —
უკრაინის ეკლესიის სულიერ მამას, ეკლესიური თავისუფლებისა და ეროვნული დამოუკიდებლობის ერთგულ აღმსარებელს.
ის არის ადამიანი, რომელმაც საკუთარი ცხოვრება შესწირა უკრაინის ეკლესიის ავტოკეფალიის საქმეს და ურთულეს ისტორიულ პირობებში დაიცვა ეკლესიის ღირსება, სინდისი და ჭეშმარიტება.
მისი მამობრივი ლოცვა და კურთხევა ჩემთვის უდიდესი პატივი და პასუხისმგებლობაა.
დღეს მე ვეკუთვნი
უკრაინის მართლმადიდებელ ეკლესიას — კიევის საპატრიარქოს და ჩემს სამღვდელო მსახურებას ვახორციელებ
უკრაინის მართლმადიდებელი ეკლესიის კიევის საპატრიარქოს აშშ-ისა და კანადის ვიკარიატში
სამწუხაროდ, ქართულმა ეკლესიამ არაერთი ნიჭიერი, ღირსეული და განათლებული სამღვდელო პირი გაიმეტა,
თუმცა ღმერთი არასდროს ეგუება უსამართლობას და მისი განგება საბოლოოდ ამართლებს ჭეშმარიტებას.
დღეს უკრაინა არის ბიბლიური დავითი,
რომელიც რუსეთის სახით მდგომ გოლიათს აუცილებლად დაამარცხებს.
ბევრ მოვლენაზე გულისტკივილით ვსაუბრობ,
თუმცა ჩემი იმედი ღმერთზეა —
ის პასუხს მოსთხოვს ყველას, იმ უსამართლო და არაადამიანური გადაწყვეტილებების გამო,
რომლებმაც მძიმე დაღი დაასვა ქართულ საეკლესიო ცხოვრებას.
მე კიდევ უფრო აქტიურად ვაგრძელებ ბრძოლას რუსეთის იმპერიული რეჯიმის წინააღმდეგ —
ახლა უკვე აქ,
ახლა უკვე ამერიკაში
და უკრაინის ეკლესიის ამბიონიდან.
შეგახსენებთ ჩემს სიტყვებს, რომელიც საზოგადოებამ აიტაცა
რუსეთზე უფრო ამაზრზენი არის რუსმორწმუნე ქართველი.
დიდება უკრაინას!
დიდება საქართველოს!
დიდება ღმერთს!
ღმერთმა დალოცოს ამერიკა…“
კომენტარები