“ქართული ოცნება” 20 ივნისს კონტრაქციისთვის ემზადება. გამგებლებისთვის დავალება უკვე მიცემულია – ერთი სოფლიდან 300 ადამიანი.
ოცნების შტაბში ამ მიზნით ფული უკვე გამოყოფილია. ახალციხის ერთ-ერთი მკვიდრი ყვება, რომ პირადად შეესწრო ფაქტს, როდესაც გამგებელი მოსახლეობას ითანხმებდა და აქციაში მონაწილეობისთვის მათ ფულს აძლევდა.
“20 ივნისის აქციებისთვის ვის რამდენი ეყოლებაო…მათ ხალხისთვის თავის მოყრა აქვს დავალებული. ფულიც ყოფილა გადარიცხული” – აცხადებს ადგილობრივი.
ოპოზიციაში აცადებენ, რომ ზონდერების მობილიზება, კონტრაქციების მოწყობა, ეს არის უკვე ჩამოყალიბებული “ქართული ოცნების” ინსტრუმენტი.
“ევროპული საქართველოს” პოლიტსაბჭოს წევრი ელენე ხოშტარია:
“სამწუხაროდ, ზონდერების მობილიზება, კონტრაქციების მოწყობა, ეს არის უკვე ჩამოყალიბებული ქართული ოცნების ინსტრუმენტი, რომლითაც მათ აქვთ იმედი, რომ ხელს შეუშლიან თავისუფალი აზრის გამოხატვას. აქტივისტები, სამოქალაქო საზოგადოება აჩვენებს, რომ მსგავსი მეთოდებით, ერთი, ვერც ძალადობაზე წამოიკიდებენ ვინმეს და ვერ გამოიწვევენ ძალადობას და ვერ შეუშლიან ხელს იმ რეალურ პროტესტს, რომელიც არსებობს ქვეყანაში, თუ ხელისუფლება გადაწყვეტს, რომ 20 ივნისს ასეთი მეთოდები გამოიყენონ, ძალიან სამარცხვინო ნაბიჯი იქნება.
ნიუპოსტი
კომენტარები