გავრცელებული ინფორმაციით, ქავთარაძის სპეცოპერაციისას დაკავებული პირი რუსეთის მოქალაქე ვასამბეგ ბოკოვია.
ასევე არსებული ინფორმაციით, სახელმწიფო უსაფრთხოების სამსახური დაკავებულს სისხლის სამართლის 362-ე მუხლის პირველი ნაწილით გათვალისწინებულ დანაშაულს ედავება. რაც გულისხმობს ყალბი ოფიციალური დოკუმენტის შეძენა-შენახვას მისი გამოყენების მიზნით და, ასევე, ამ დოკუმენტის გამოყენებას.
რამდენიმე დღის წინა საქმესთან დაკავშირებით პანკისის უხუცესთა საბჭოს წევრის, ხასო ხანგოშვილის სახლიც გაჩხრიკეს. მისი თქმით, აჰმედის სახელით ცნობილი პიროვნების ნამდვილი ვინაობის შესახებ ინფორმაცია არ ჰქონდა.
გამოძიების ინფორმაციით, დაკავებული ავრცელებდა ცრუ ინფორმაციას, რომ საქართველოში ბიზნესი ჰქონდა, რეალურად კი სრულიად სხვა საქმიანობით იყო დაკავებული, რაც მის წინააღმდეგ გამოძიების დაწყების მიზეზი გახდა.
კომენტარები