რაში ადანაშაულებს დავით ჭიჭინაძე “ევროპულ საქართველოს?”

„რჩება შთაბეჭდილება, რომ ხელისუფლებაში მოსასვლელად კი არა, მთავარი ოპოზიციური ძალის ადგილის დასამკვიდრებლად იბრძვიან“, – ასე აფასებს პოლიტიკური მოძრაობა „ტრიბუნას“ ლიდერი დავით ჭიჭინაძე ოპოზიციის ქმედებებს და „ევროპულ საქართველოს“ „ქართულ ოცნებასთან“ გარიგებაში ადანაშაულებს:

„ოცნება“ მაქსიმალურად ცდილობს, მეორე ძალად „ევროპული საქართველო“ აქციოს. ძალა, ვისთანაც ყველაზე კომფორტში იქნება. ამის დასტურად თუნდაც ის კმარა, რომ ყველა კომპანია, რომლებიც „ევროპულ საქართველოსთან“ არის დაკავშირებულები, ისევე წარმატებით მუშაობენ დღეს, როგორც თავის დროზე.

ეს ეხება როგორც მერიის ტენდერებს, ისე სხვადასხვა სფეროებს. მათ მთელი საქართველოს მასშტაბით აქვთ ბიზნესები შენარჩუნებული. როგორც ჩანს, წარსულიდან გამომდინარე, ისე კარგად აქვთ კუდები გადაბმული, მხოლოდ წილები შეცვალეს.

ჯერ კიდევ პრემიერ გიორგი კვირიკაშვილსაც სწორედ „ევროპული საქართველო“ „ეიმედებოდა“ და ეს არც არასოდეს დაუმალავს“