სანქტ-პეტერბურგის ვიცე-გუბერნატორი, ოლეგ ერგაშევი აცხადებს, რომ ქალაქის საავადმყოფოებში კორონავირუსით ინფიცირებული პაციენტებისთვის საწოლები არ ჰყოფნით. ტელეკომპანია დოჟდის ინფორმაციით, ერთ-ერთ არხთან ინტერვიუს დროს ერგაშევმა განაცხადა, საავადმყოფოებიდან ყოველდღიურად 500 ადამიანს წერენ და ამდენივეს ჰოსპიტალიზაცია ხდება საჭირო.
როგორც ერგაშევი ამბობს, საწოლების ფონდიდან მხოლოდ 18 პროცენტია თავისუფალი და ხშირ შემთხვევაში კორონავირუსით ინფიცირებულებისთვის ადგილები არ აქვთ.
კორონავირუსით ინფიცირებულთა მაჩვენებლით რუსეთი მსოფლიოში მესამე ქვეყანაა. ხელისუფლების მიერ გამოქვეყნებული სტატისტიკით, COVID-19-ის 530 ათასზე მეტი შემთხვევაა გამოვლენილი, 7 ათასამდე კი გარდაიცვალა. სანქტ-პეტერბურგში ვირუსის 20 600 შემთხვევაა დადასტურებული.
რუსეთში აცხადებენ, რომ მხოლოდ ბოლო 24 საათის განმავლობაში 9 ათასამდე ადამიანს დაუდგინდა ვირუსი
ონ.ჯი
კომენტარები