იურიდიულ საკითხთა კომიტეტის თავმჯდომარის ანრი ოხანაშვილის განცხადება:
” პირბადეების ტარების შესახებ კანონს გამოიყენებენ მხოლოდ მას შემდგომ, როდესაც მთავრობა პირბადის ტარებასთან დაკავშირებით წესს გაწერს. ამავე კანონით მთავრობას დაავალეს, დეტალურად გაწეროს პირბადის ტარების წესი, სივრცე და ისიც, თუ ვის შეეხებათ გამონაკლისები. ეს წესი შემუშავებულია, კიდევ ვამუშავებთ, გამოქვეყნდება და საზოგადოებასაც მივაწვდით დეტალურ ინფორმაციას. არაფერი საპანიკო არ არის და საკითხი არ დგას ისე, რომ დღეს ვინმეს დააჯარიმებენ. ლოგიკურია, რომ ჩვენ მიერ შემუშავებული კანონი ამოქმედდა, თუმცა ამ კანონშივე არის დასკვნა გაკეთებული, რომ უნდა შემუშავდეს წესი და ეს კანონი რეალურად იურიდიულ მნიშვნელობას შეიძენს”
12 ივნისს საქართველოს პარლამენტმა დაამტკიცა კანონპროექტი, რომელიც დახურულ საჯარო სივრცეში თავშეყრისას, პირბადის ტარების წესის დარღვევისთვის ჯარიმას ითვალისწინებს. შესაბამის ცვლილებებს საქართველოს ადმინისტრაციულ სამართალდარღვევათა კოდექსში 73-მა დეპუტატმა დაუჭირა მხარი.
იმ შემთხვევაში, თუ მოქალაქე ამ წესს დაარღვევს, 20 ლარით დაჯარიმდება, ხოლო იურიდიული პირი — 500 ლარით. ამასთან, პირბადის ტარება სავალდებულოა საზოგადოებრივი ტრანსპორტით გადაადგილების დროსაც.
შეგახსენებთ, ბატონმა ანრიმ ბრძანა, რომ პარლამენტარებს არ ევალებათ პარლამენტში პირბადის გაკეთება… და პირბადის არ გაკეთების გამო, დეპუტატები არ დაჯარიმდებიან. მართლაც, რა არის საპანიკო?
შეგახსენებთ, უკარინის პრეზიდენტი, ვლადიმერ ზელენსკი რეგულაციის დარღვევის გამო დააჯარიმეს… მიუხედავად იმისა, რომ ის კაფის მეპატრონემ მაშინ დაპატიჟა ყავის დასალევად, როცა კაფე-ბარებს ამოწმებდა, კაფეში ყავის დალევის გამო დაჯარიმდა. ხოო, არაფერი გვაქვს საპანიკო… კანონი თქვენთვის არ არის ბატონო ანრი და რა შეგაწუხებთ?
კომენტარები