პარლამენტის დეპუტატმა ემზარ კვიციანმა განაცხადა, რომ პატრიოტთა ალიანსს ტოვებს. ამის შესახებ მან ფეისბუქზე დაწერა. როგორც კვიციანი ამბობს, ის განაწყენებული არაა, უბრალოდ არ სურს თავისი გადაწყვეტილებებით პატრიოტთა ალიანსის წევრებს ავნოს:
“4 თვე დამრჩა პარლამენტარობა და მაქსიმალურად მინდა დავიხარჯო! არ მინდა ჩემი სარისკო ქმედებით ზიანი მივაყენო ჩემთვის ძვირფას ადამიანებს! მივდივარ პარტიიდან და მივდივარ ფრაქციიდანაც! მინდა ჩემს მეგობრებს ვუსურვო წარმატება, პოლიტიკურ და პირად ცხოვრებაში! უფალი გწყალობდეთ და გფარვიდეთ! ძალიან ვწუხვარ, მაგრამ მე უნდა გავამძაფრო ბრძოლა ჩვენი ქვეყნის და ქართველობის შესანარჩუნებლად! ქართველთა გადასარჩენად, თავგანწირვის გზაზე მინდა დავადგე, ვინც გამომყვება ღმერთმა დაგლოცოთ, ვინც არა თქვენც დალოცვილი მეყოლეთ! აღმოჩნდა, რომ მე სხვა გზა მაქვს, უფრო უტვინო, მაგრამ ჩემი! უფალმა მიმყოფოს ყველა პატრიოტი პატრიოტულად! დიდება ღმერთს!!!”
ემზარ კვიციანთან რამდენიმე დღის წინ “ალიამ” ინტერიუ ჩაწერა, რომელიც, საკმაოდ სკანდალური იყო და კვიციანი ამბობდა, რომ ყველა პარტიაში, მათ შორის, “პატრიოტთა ალიანსშიც” ჩანერგილია სუსის აგენტები. თუმცა, რამდენიმე დღის წინ, კვიციანს, ჯერ კიდევ ჰქონდა იმედი, რომ “პატრიოტთა ალიანსი” მის გვერდით დადგებოდა.
კომენტარები