“თქვენი სახლი დაიწვა, დანარჩენი ყველაფერი კარგადაა”

ანტისაოკუპაციო მოძრაობის, “ძალა ერთობაშია” ლიდერი, დავით ქაცარავა, სოციალურ ქსელში, წერს:

“ბორდერიზაცია მიდის, მაგრამ გვაქვს მშვიდობა, მავთულხლართები იგება, თუმცა კონტაქტები მაინც იზრდება” – ქეთევან ციხელაშვილი
——————————————-
ერთი რუსული მულტფილმიდან ერთი საინტერესო ფრაზა მახსენდება
– “ваш дом сгорел, прекрасная маркиза, а в остальном всё хорошо”
– “თქვენი სახლი დაიწვა, მშვენიერო მარკიზა, დანარჩენი ყველაფერი კარგად არის”.

დაახლოებით ასეთი შინაარსის განცხადებას აკეთებს ქალბატონი ციხელაშვილი, რომელიც გვეუბნება, რომ რუსები მიწებს გვართმევენ, მაგრამ მშვიდობა გვაქვს მთავარია…

ეს ხელისუფლება ან ვერ აღიქვამს რა ხდება საოკუპაციო ხაზთან, ან უბრალოდ დანაშაულებრივად დუმს, ჩუმად ატანს რუსებს ჩვენ მიწა-წყალს, ისე, რომ ეუხერხულება ხმამაღლა იყვიროს და იბრძოლოს ოკუპაციის წინააღმდეგ, ემანდ რუსი არ გაუბრაზდეს…”