ზუგდიდში ნარკოდანაშაულისთვის დაკავებულ, ათონის მთაზე მოღვაწე ბერს – გიგა ქავთარაძესა და მასთან ერთად დაკავებულ მოქალაქეს – რომან მალანიას საპროცესო შეთანხმება გაუფორმდა.
დაკავებულების ადვოკატის, ჯიტა გულუას ინფორმაციით, საპროცესო გარიგების თანახმად, ბერს ხუთი წლით პატიმრობა შეეფარდა, ასევე, სამწლიანი პირობით მსჯავრი და 5 000 ლარის ოდენობის ჯარიმის გადახდა დაეკისრა.
რაც შეეხება მეორე დაკავებულს – რომან მალანიას 6 თვით პატიმრობა განესაზღვრა, 3 წლის ვადით პირობითი მსჯავრი და 2 000-ლარიანი ჯარიმის გადახდა დაეკისრა.
ცნობისთვის, ბერი და კიდევ ერთი მოქალაქე, რომან მალანია ნარკოტიკული საშუალებების შეძენა-შენახვის ბრალდებით იყვნენ დაკავებულები. ბერი პოლიციას თავად ჩაბარდა. გამოძიება სსკ-ის 260-ე მუხლით მიმდინარეობდა, რაც ნარკოტიკული საშუალებების უკანონო შეძენა-შენახვას ითვალისწინებს.
კომენტარები