რესპუბლიკური საავადმყოფოს დირექტორის, ლევან გოფოძის თქმით, კორონავირუსით სამივე ახალი ინფიცირებული პირი მედპერსონალის წარმომადგენელია:
“ჩვენთან სამედიცინო პერსონალიდან ოთხს დაუდასტურდა კოვიდინფექცია, გუშინ იყო პირველი შემთხვევა და დღეს კიდევ სამი დაემატა. რა უნდა ქნას ამ შემთხვევაში კლინიკამ – ჩვენ მუდმივად ვატარებდით გეგმურად მთელი პერსონალის PCR ტესტირებას, ახალი დამთავრებული გვქონდა, სრულად გვყავდა გატესტილი ყველა და პასუხები ნეგატიური იყო, ახლა კი თავიდან დავიწყეთ და გავტესტავთ მედპერსონალს იმისათვის, რომ გავრცელება თავიდან ავიცილოთ…
წყაროს დასახელება ძალიან ძნელია. პირველი, ვისაც დაუდასტურდა, ეს იყო კორიდორის დამლაგებელი და მას პაციენტებთან უშუალო შეხება არ ჰქონია, მაგრამ საიდან მოვიდა, ამის ძებნა ძალიან გვიჭირს”
არსებული ინფორმაციით, დღეს გამოვლენილი შემთხვევებიდან ერთი რეანიმაციის ექთანია, ორი სანიტარი. კორონავირუსი გუშინ კიდევ ერთ სანიტარს დაუდგინდა.
კომენტარები