სოციალური ქსელის მომხმარებელი, ცირა ნიკოლაიშვილი, კახა კალაძეს და გიორგი გახარიას მიმართავს:
“ბატონო მერო!
თუ არსებობს პიროვნება, რომელსაც დაბლიდან ხმა მოაქვს თქვენამდე!!!
არავის იმედი არ გვაქვს, გარდა ბ-ნი პრემიერისა და თქვენი!
გვჯერა, რომ ორთავე სინდისის და ვაჟკაცობის მქონენი ხართ!
ჩამოიხედეთ, ადამიანებო, ქვემოთ _ ხალხში!
გვრცხვენია, როცა ტელევიზიები ლამის გასკდეს ინფორმაციების სიმრავლით, რომ “ქვეყანა შენდება” და ხალხი ამას ვერ ვხვდებით!
ჩამოიხედეთ და მოგვხედეთ!
თქვენთვის ხელმისაწვდომი _ ჩვენთვის ოცნების სფეროა!
ხელისუფლების წარმომადგენელთა სურსათ-სავაჭრო-მარკეტ-პალატებში 20 პროცენტი უხარისხო პროდუქტია; 80 პროცენტი ადამიანისთვის არაშედეგიანი ელემენტებით გაჟღენთილი…
და ხუთჯერ ძვირი…
ამ დილით 2 ცალი ვაშლი და ერთი ფორთოხალი შევიძინე, რადგან მწვანილი ჩემი სახის მსგავსად გამხმარ-ჩაყვითლებული იყო და რამე ბუნებრივი ელემენტები აუცილებლად უნდა მიგვეღო… სამთავე ცალში 5 ლარი და 40 თეთრი გადავიხადე და უპუროდ დარჩენა ვამჯობინე…
ნუ გაგვიმეტებთ! ქალაქს სოფელი სჭირდება თავისი ბაღჩა-ბაღეულით და სოფელს _ ქალაქი, რათა ფულის ნიშნები შეუვიდეთ ოჯახში!
ამიტომ, აუცილებელია ისევ აღსდგეს კორონას მიზეზით აკრძალული ქუჩის პაზრობები იქ, სადა იყო და სადაც დილის 7 საათიდან დილის 10 საათამდე დაშვებული იყო სოფელი თავისი ბაღით და თავისი ბოსტანით!
ნიშანდობლივია, რომ ყველა ამ “ბაზრობის” სიახლოვეს გაიხსნა მარკეტის ქსელის “ორი ნაბიჯის” სოკოებივით ნაყარი მოცემულობები!
კიდევ ერთი მილიონერი წყვილის კერძო ბიზნესი!
თავს ნუ შემოგვივლეთ!
რუსი არ კრძალავდა ამას, ნიკოლოზობის დროს!
ბატონო მერო, გთხოვთ, დრო გამონახოთ და დღეში 0. 20 საათი იფიქროთ ადამიანებზე; თქვენი ნამდვილად საღი გონებისთვის ეს საკმარისი იქნება, რომ ხალხმა შვება იგრძნოს. რომ იცოდეთ ათასობით ადამიანისგან წამოსული მადლიერების გრძნობა რას ნიშნავს!!!
პატივისცემით!”
კომენტარები