“უსამშობლო, ფულზე სულგაყიდული, ხალხით აავსეს ახალგაზრდული დაჯგუფებები”

სამოქალაქო აქტივისტი, ლადო სადღობელაშვილი, სოციალურ ქსელში, წერს:

“მიმართვა იმ ახალგაზრდებს რომელბიც 20 ივნისს აქციის დაგეგმვაში იღებენ მონაწილეობას.

ვუყურებთ რა ამ ახალგაზრდებს და იოტისოდენა ზიზღიც არ გაგვჩენია მათ მიმართ, პირიქით, როგორც თანამოძმეს, ახალგაზრდას, მომავალ თაობას, ისე შევხედეთ და შეგვეცოდნენ. შეგვეცოდნენ, რადგან მათ ვერ წარმოუდგენიათ, რომ პატრონის ტრეინინგის გარეშე შეიძლება არსებობა, ვერ წარმოუდგენიათ, რომ ყველასთან შეიძლება დაპირისპირება, ვინც სამშობლოს ინტერესების წინააღმდეგ წავა. დიახ! შეგვეცოდნენ და ეს შეცოდება არაა ზიზღი, ეს არის თანამოძმის, თანამემამულის, ოჯახის წევრის შეცოდება, რომელზეც გული გიკვდება, რომელზეც გული გწყდება, რომელზეც დარდობ და რომლის ცუდიც არ გიხარია.
უყურებ ნაცბანდისგან მანქურთებად ქცეულ ჩვენი თაობის ნაწილს და ხვდები, რომ ნაცბანდა და კოლექტიური ბოკერიები თუ ეწ გირჩები იმაზე საშინელი სიმსივნეა, ვიდრე წარმოგვედგინა. გარდა იმისა, რომ ჩვენი თანატოლები დახოცეს, მიტინგები დაარბიეს, ეკლესიები დაანგრიეს, ციხეში ხალხი აწამეს, ხალხს ქონება წაართვეს, ტერიტორიები დაკარგეს, ავხორცები იყვნენ, მათი მეფისთვის საკუთარი ოჯახის წევრის მირთმევა პატივი იყო, მთელი გარემოცვა გააბახეს, ხალხს დასცინეს, ასე შემდეგ და ასე შემდეგ, მაგრამ ერთი განსაკუთრებული დანაშაული ჩაიდინეს – ახალი ტიპის მუტანტის გამოყვანა გადაწყვიტეს, რომელიც გარეგნობთ ბოკერიას, ზნეობით სააკაშვილს, არსით მერაბიშვილს და მორალით სოფო ნიჟარაძეს უნდა დამსგავსებოდა.
ვხედავთ და ვხვდებით, რომ სწორედ ასეთი უსამშობლო, ფულზე სულგაყიდული, ზნეობისგან დაცლილი ხალხით აავსეს თავიანთი ახალგაზრდული დაჯგუფებები. მათ არ იციან, რომ მათი დამარცხება და განადგურება მათივე გადარჩენა იქნება, დარწმუნებულნი ვართ, რომ მათი დამარცხების შემდგომ გაივლის დრო და მადლიერნი იქნებიან, მადლობას გვეტყვიან იმისათვის, რომ დავამარცხეთ და ამით გადავარჩინეთ იმ მუტანტის ბედს, რომელსაც არც ეროვნება აქვს, არც ზნეობა, არც მორალი და არც სხვა რამ.
ამიტომ, ბოლოჯერ ვაფრთხილებთ მათ – გონს მოეგეთ, უკუაგდეთ ცრუ რწმენა, ზურგი აქციეთ უზნეო ბელადის ხროვას, საქართველოს მტრებს, მეხუთე კოლონას, დადექით ჭეშმარიტების, ეკლესიური მონანიების და სულის გადარჩენის გზაზე…

• პატივისცემით ა/ო “პრიორიტეტული მიმართულების განვითარების ცენტრი”-ს გუნდი