„შეიძლება სხვა პოლიტიკური შეხედულება აქვთ, მაგრამ ამ მდგომარეობაში რომ ვხედავ ჩემი ქვეყნის მოქალაქეს, ძალიან მძიმეა და ადამიანურად თანავუგრძნობ“, – ამის შესახებ დედაქალაქის მერმა მედიასთან ისაუბრა, სადაც გუშინ საარჩევნო შტაბთან გამართული საპორტესტო აქცია შეაფასა.
კახა კალაძემ სამარცხვინოდ შეაფასა მოქალაქეების მხრიდან „ქართული ოცნების“ წევრის, ბექა ოდიშარიას მისამართით შეურაცხყოფისა და გინების ფაქტი.
„სამარცხვინო და სამწუხარო ფაქტი მოხდა. ამ ადამიანების სახეებს რომ ვუყურებდი, მაიკლ ჯექსონი ცოცხალი რომ იყოს, მათი ჩართულობით „თრილერს“ თავიდან გადაიღებდა. არც გრიმი დასჭირდებოდა, არც ვიზაჟისტები და არც კოსტუმები. ესენი ჩვეულებრივი „ტიტუშკები“ არიან. ეს არ არის პირველი შემთხვევა. გუშინ ბექა იყო ობიექტი, იმის წინ სხვა ჩვეულებრივი რიგითი მოქალაქეები. ამ ადამიანებს დაკარგული აქვთ ზნეობა, კულტურა. შეიძლება სხვა პოლიტიკური შეხედულება აქვთ, მაგრამ ამ მდგომარეობაში რომ ვხედავ ჩემი ქვეყნის მოქალაქეს, ძალიან მძიმეა, გული მტკივა და ადამიანურად თანავუგრძნობ.
პოლიტიკური შეხედულებების მიუხედავად, ჩვენ ყველაფერზე მაღლა უნდა დავდგეთ. პატივი ვცეთ ჩვენს კულტურას, ტრადიციებს და ერთმანეთს არც ფიზიკური, არც სიტყვიერი შეურაცხყოფა არ მივაყენოთ.
მთელი საღამოს განმავლობაში, იქ მდგომი ადამიანები შეურაცხყოფით იყვნენ დაკავებულები, რაღაცებს ისროდნენ. ხომ გახსოვთ როგორ იგინებოდნენ ბექას მისამართით. ადამიანები ვართ. აბა თქვენ რომ მაგინოთ, მე დავდგები და უი, თქვენ გენაცვალეთი მოგმართავთ? შეურაცხყოფა კატეგორიულად მიუღებელია და არ ვემხრობი ამას, მაგრამ ორმაგი სტანდარტი რატომ გაქვთ?“, – განაცხადა თბილისის მერმა.
კომენტარები