მამაკაცი, რომელმაც ციხეში 4 წლის ბავშვის მკვლელობის ბრალდებით 28 წელი გაატარა უდანაშაულოდ სცნეს და ციხიდან გაათავისუფლეს.
55 წლის უოლტერ ოგროდმა პარასკევს დატოვა პენსილვანიის ციხე მას შემდეგ, რაც მოსამართლემ მისი ბრალდება სექსუალური ძალადობისა და მკვლელობის შესახებ შეცვალა.
ამ დროისთვის უკვე ცნობილი ხდება, რომ ოგროდს აიძულეს მიეცა მცდარი ჩვენება მოკლული მეზობლის ბავშვის გამო, რომლის ცხედარი მუყაოს ყუთში იპოვეს. უდანაშაულო „ბრალდებულის“ ადვოკატმა, ჯეიმს როლინსმა განაცხადა მედიასთან ინტერვიუში, რომ მისი კლიენტი ძალზე კმაყოფილი და თავისუფლების შეგრძნებით ბედნიერია.
პროფესორმა ქერი ვუდმა განაცხადა: „ მე ვწუხვარ, რომ 28 წელი დასჭირდა ჩვენთვის იმის გარკვევას, რომ თქვენ უდანაშაულო ბრძანდებით და თქვენ მიერ აღიარებითი ჩვენება გამომდინარეობდა პოლიციის დეტექტივის ზეწოლით“.
ოგროდმა, რომელიც აუტისტური სპექტრის მქონე ადამიანია, მოგვიანებით აღიარებითი ჩვენება მისცა სასამართლო პროცესზე აღნიშნულ საქმესთან დაკავშირებით. ხუთმა თვითმხილველმა კი 24 წლის წინ ოგროდის მიერ მიცემულ ჩვენებაზე განაცხადა, რომ იმ ადამიანს, რომელიც ქუჩაში ბავშვის ნარჩენებით სავსე ყუთს ტოვებდა არ ჰგავდა ოგროდს.
იანვრის თვეში ჩატარებული დნმ-ის ანალიზით დადგინდა, რომ უბედური შემთხვევის ადგილას დაფიქსირებული სისხლის კვალი ოგროდის სისხლის ჯგუფს არ შეესაბამება.
ნიუპოსტი
კომენტარები