არასამთავრობო ორგანიზაციის “ღია დემოკრატია” ხელმძღვანელი, იმედა კლდიაშვილი:
მამაჩემის ავადმყოფობის დროს, საკუთარ თავზე გამოვცადე რამდენად დიდ ბიუროკრატიაშია ის ონკოპაციენტები ან მათი ოჯახის წევრები, ვისაც მორფინი ჭირდება.
1. წამლის მისაღებად გჭირდება სამი ონკოლოგიური ექიმის ხელმოწერილი ფორმა 100.
2. შემდეგ ის მიგაქვს უბნის პოლიკნილიკაში რეგისტრირდები
3. მხოლოდ კვირის ერთ კონკრეტულ დღეს ხდება წამლის გაცემა. ჩემს შემთხვევაში ეს იყო სამშაბათი. თუ რომელიმე სხვა დღეს მიხვედით მოგიწევთ სამშაბათამდე ცდა. ეს კიდე ნიშნავს რომ ამ დღეებში პაციენტს ტკივილები აქვს და ვერ შველი.
რეგისტრაციის მერე წამლის აღების პროცედურა.
4. ყოველ სამშაბათს, მიდიხარ ამ პოლიკნილიკაში, იღებ რეცეპტს.
5. შემდეგ მიდიხარ პოლიციაში და დგები ცოცხალ რიგში, სადაც არიან როგორც ონკოპაციენტები (ვინც თვითონ დადის), ასევე პაციენტის ოჯახის წევრები.
6. წამალი გაიცემა 11:00 – 15:00, თუ ვერ მოასწარი ამ დროს უნდა ელოდო შემდეგ კვირას.
7. ეს ყველაფერი ორგანიზებულია ხელით, ჟურნალებში და ქაღალდის ცნობებით. რაც შეცდომების დაშვების ალბათობას ზრდის. მაგალითად არასწორად გამოწერილი რეცეპრი
8. თუ შემთხვევით პაციენტის სხვა ქალაქში გადაყვანა დაგჭირდა, ცალკე ბიუროკრატია გემატება ერთი პოლიკლინიკის მოხსნა და მეორეში რეგისტრაცია, თან ეს ისე უნდა გააკეთოს რომ წამლის გაცემის დღე არ უნდა გამაზო.
ყველაზე დამთრგუნველი მაინც პოლიციაში, რიგში დგომაა, თუ ვინმე აღარ მოვიდა, ე.ი. ის პაციენტი გარდაიცვალა.
ასევე გააფრთხილეს რომ არის რისკი ამ დროს ვინმე თავს დაგესხას წამლის აღების დროს და გზაში წაგართვან წამალი.
ამხელა ბიუროკრატია და დამთრგუნველი პროცესი ისედაც მძიმე პაციენტებისთვის, მინიმუმ არაადამიანურია.
ხომ შეიძლება გაკეთდეს ესე:
1. წამლის გაცემისთვის საკმარისი იყო, სამი ონკოლოგიური მიერ ხელმოწერილი ცნობა. რომელიც დარეგისტრირება ელექტრონულად სისტემაში.
2. ყველა ქალაქის/რაიონის პოლიციაში მოეწყოს აფთიაქი ასეთი პაციენტებისთვის, სადაც ისინი სისტემაში გადამოწმების შემდეგ ნებისმიერ დღეს შეძლებს წამლის აღებას.
ასევე თუ ეს ციფრული იქნება მართული, პროცესი გაცილებით უკეთესი საკონტროლებელიც იქნება.
ტკივილის გაყუჩება ასეთ პაციენტებში არის მთავარი !!!
ამიტომ ეს პროცესი უნდა იყოს მარტივი
კომენტარები