“არაფრის მაქნისო, ამ ქვეყნის მტერი შენ ხარ – ყუთებშიც ამიტომ ამოდის 41-ი უფრო მეტი, ვიდრე 5-იანი”

ენმ-ის წევრი, მეგი გოცირიძე, სოციალურ ქსელში, წერს:

“ივანიშვილში კი არა, ჩვენშია პრობლემა, მხოლოდ ჩვენში და კერძოდ იმაში , რომ საკუთარ სამშობლოს პირად საკუთრებად არ მივიჩნევთ, არ ვუვლით, ვანაგვიანებთ, არ ვეფერებით და ჩვენს წილს არ ვიცავთ შიდა თუ გარე უკუპანტებისგან, ტერიტორიების 20%-ი რუსეთმა წაიღო, 20%-ზე მეტი ივანიშვილს აქვს მიტაცებული და 20%-ზე ნაკლები საპატრიარქოს, რომელსაც ისევე ჰყავს პოლიტპატიმრები, როგორც ივანიშვილს კრემლის დაკვეთით და ანათემის შიშით ხმას ვერ ვიღებთ, მტერი 40კმ-ში კი არა, მთლად დედაქალაქის ცენტრში -შუშის კოლბაში ზის (რუსეთის საელჩოში ) და დისკომფორტსაც არავინ უქმნის , ყველა ვიღაცისკენ იშვერს ხელს, ყველა ვიღაცას ელოდება და არავინ აცნობიერებს, რომ ის ვიღაც არ არსებობს და სინამდვილეში ის ვიღაც შენ ხარ, რომელსაც ყველაფრის კეთება შეგიძლია და არაფერს აკეთებ გარდა იმისა, რომ ვიღაცას ამუნათებ, ის ვიღაც არასოდეს მოგწონს, ოღონდ მართალი ხარ, რომ არ მოგწონს, რადგან ის ვიღაც შენ ხარ, არაფრის მაქნისო, ოპოზიციაც შენ ხარ და ხელისუფლებაც, ამ ქვეყნის მტერიც შენ ხარ და მოყვარეც! ჰოდა, შენნაირი რომ უფრო მეტია, ვიდრე ჩვენნაირი, საარჩევნო ყუთებშიც ამიტომ ამოდის 41-ი უფრო მეტი, ვიდრე 5-იანი, თორემ რაც 5-იანი ამოდის, იმას კი ვიცავთ უბნებზე ….”