პაატა ბურჭულაძე, ტვ პირველის ეთერში ამბობს, რომ ოპოზიციისგანაც და ქართული ოცნებისგანაც იყო მცდელობა, რომ მას დღეს, 4 ოქტომბერთან დაკავშირებით განცხადება არ გაეკეთებია.
რაც შეეხება გეგმას, პაატა ბურჭულაძის თქმით, ის ასეთია:
მშვიდობიანად უნდა გავისტუმროთ აუცილებლად. აგერ ნახავთ, ბატონებო, ეს აუცილებლად მოხდება. ჩვენ დავარქვით ეროვნული კრება, 4 ოქტომბრის შეკრებას, მთელი საქართველოდან ველოდებით უამრავ ადამიანს. ამ ხალხს დავურიგებთ და ხმას მივაცემინებთ იმაზე, რომ ხელისუფლება ეკუთვნის ხალხს და არა ბიძინა ივანიშვილს, იქნება ჩამოწერილი საკითხები, რას უნდა მივცეთ ხმა.
მე როგორც მაქვს წარმოდგენილი, 20 ოქტომბერს ევროპის საგარეო საქმეთა მინისტრები იკრიბებიან, ვიზალიბერალიზაციაზე იმსჯელებენ, ჩვენ უკვე გავაგზავნით აქ სხვა მინისტრს, ჩვენს არჩეულს. ჩვენ გვეყოლება ჩვენი მთავრობა. ჩვენ ავირჩევთ ლეგიტიმურ მთავრობას და ჩვენს მიერ არჩეული საგარეო საქმეთა მინისტრი რომ წავა ევროპაში, იქედან წამოვა დადებითი პასუხი. ოცნება დღესაც არ არის, ის ჩვენს აზრებშია და არაა რეალობაში. მე არ ვემორჩილები დღეს მათ. ესაა მშვიდობიანი დამხობა. ეს უნდა ავუხსნათ ხალხს, ამისთვის გვჭირდება 2 თვე. ხალხს უნდა ავუხსნათ, რომ არავინ უნდა დაემორჩილოს. ესაა პასუხი კითხვაზე, 2 თვით ადრე ვინ აანონსებს.
წარმოუდგენელია ეგეთ არჩევნებში რამე მოიგო, ეს ხომ თავადაც იცის ლელომ და გახარიამ? რას უნდა მიაღწიონ? ჩვენ საერთო მტერი გვყავს, ქართული ოცნება და ბიძინა ივანიშვილი, ამაზე დიდი მტერი საქართველოს არ ჰყოლია.
კომენტარები