ჩხუბი გორში, რესტორან “ჯოსეფში” – პირი, რომელიც 18 წლის ბიჭს სასტიკად გაუსწორდა, მსოფლიო ჩემპიონის გიორგი კანდელაკის ვაჟი, თარეშ კანდელაკია.
დაპირისირება სწორედ კანდელაკების რესტორანში დაიწყო და რესტორნის ეზოში გაგრძელდა. თვითმხილველები აცხადებენ ,რომ შემთხვევა დღეს, გამთენიისას მოხდა. ისინი ასევე ყვებიან, რომ მათ დაინახეს ახალგაზრდა მამაკაცი, რომელიც სისხლის გუბეში ცურავდა.
“დავინახე ფანჯრიდან. უკვე ძირს ეგდო ბიჭი, სისხლი დავინახე, წყალი მე ჩავუგდე აქდან. მერე სასწრაფო მოვიდა და წაიყვანეს….არ ვიცი ვინები იყვნენ” – აცხადებენ ადგილობრივები.
ბიჭს ადგილობრივ საავადმყოფოში გადაუდებელი ოპერაცია ჩაუტარდა. მას დამტვრეული აქვს სახის თითქმის ყველა ძვალი და მიღებული აქვს ქალა-ტვინის მძიმე ტრამვა. მძიმე მდგომარეობის გამო მისი თბილისში გადმოყვანა გახდა საჭირო.
ნიუპოსტი
კომენტარები