სექსი ისეთ ადამიანთან, ვისთან ერთადაც არ ცხოვრობ აიკრძალა. ინგლისში ინიცირებული ახალი კანონი არაოჯახისწევრი პირების შიდა შეკრებების თავიდან ასარიდებლად მიიღეს. როგორც აღნიშნავენ, შეზღუვა ახალ კორონავირუსთან ბრძოლას ემსახურება. მედიაში იწერება, რომ ახალი კანონით სექსი აიკრძალა, თუმცა კანონმდებლობაში სიტყვა „სექსი“ ნახსენები საერთოდ არ არის. ახალი კანონი კრძალავს თუ არა სექსუალურ კავშირს?
2020 წლის „ბილი“ ჯანმრთელობის დაცვასთან დაკავშირებით ძალაში 2020 წლის 1 ივნისს შევიდა. ახალი წესი სიტყვა „შეკრებებს“ შემდეგნაირად ხსნის: „როდესაც ორი ან მეტი ადამიანი წარმოდგენილია ერთ სივრცეში იმისთვის, რომ შევიდნენ ნებისმიერი ტიპის სოციალურ ურთიერთკავშირში ან ერთად განახორციელონ რაიმე ქმედება.“ ამავე კანონის მიხედვით, მსგავსი ტიპის შეკრებები დახურულ სივრცეში იკრძალება, გარდა გამონაკლისი შემთხვევებისა, როგორიცაა სამსახურეობრივი მოვალეობა, დაკრძალვა და სხვა.
შესაბამისად გაჩნდა შეკითხვა, ითვლება თუ არა სექსუალური კავშირი „სოციალურ კავშირად“ ან „ნებისმიერ სხვა ქმედებად“. როგორც ჩანს ასეა. თუ თქვენ არ ცხოვრბოთ სექსუალურ პარტნიორთან ერთად, ახალი კანონი სხვის სახლში დარჩენას კრძალავს, თუ ეს გამოწვეული არ არის სამსახურით, დაკრძალვით ან რაიმე ტიპის ზიანის თავიდან ასაცილებლად. მეგობრების, ოჯახის სხვა წევრების ან სექსუალური პარტნიორების მათ სახლში მისვლა და დახურულ სივრცეში მათთან ერთად დროის გატარება აკრძალულია.
კომენტარები