ახალი რეგულაციით, ჩვენ არ შემოგვაქვს ვალდებულება, რომ მოქალაქეს დილიდან საღამომდე ეკეთოს პირბადე, – ამის შესახებ პარლამენტის თავმჯდომარემ, არჩილ თალაკვაძემ ბიუროს სხდომაზე განაცხადა. მისი თქმით, ზოგიერთი პირი ოპოზიციიდან, ამ თემით სპეკულაციას ცდილობდა.
“საქმე ეხება მხოლოდ საზოგადოებრივ ტრანსპორტს და ისეთ დახურულ სივრცეებს, სადაც კონტაქტების მაღალი რაოდენობა გენერირდება დღის განმავლობაში.
ეს ნიშნავს იმას, რომ მოქალაქეს, რომელიც პირბადეს შეიძენს, შეუძლია, ის გამოიყენოს ზუსტად ასეთ ადგილებში და დაზოგოს მისი გამოყენება. არაა აუცილებელი, ქუჩაში ან ღია სივრცეში იაროს პირბადით. მსგავსი ვალდებულება არ შემოდის“
რამდენი ათასი მაღაზიაა საქართველოში?
რამდენი ათობით ათასი ადამიანი მუშაობს კონსულტანტან?
მოლარედ?
ოპერატორად ბანკში?
ფარმაცევტად აფთიაქში?
მძღოლად ავტობუსზე და ტაქსზე?
ექიმები, ექთნები, სანიტრები, რესტორნებისა და კაფე-ბარების თანამშრომლები… – დიდი სიაა.
ადამიანების უმეტესობა დილიდან საღამომდე მუშაობს და დასაქმებულთა დიდ წილს, სამუშაოს მანძილზე პირბადით უწევს სიარული, დილიდან – საღამომდე.
არ არიან, ბატონო არჩილ კონსულტანტები, მოლარეები, ფარმაცევტები, მძღოლები და სხვები საქართველოს მოქალაქეები?
ან, პირბადე იყიდეთ, შეინახეთ და მერე გამოიყენეთო, რომ ამბობთ, ერთჯერად პირბადეს ვერ შეინახავ და მრავალჯერადი ყოველი გამოყენების მერე უნდა გაირეცხსო და ის მრავალჯერადიც უსასრულოდ ვერ გაირეცხება, მაქსიმუმ 8 გარეცხვაა რეკომენდირებული.
რომელი ქვეყნის პარლამენტის თავმჯდომარედ მუშაობთ, ბატონო არჩილ? რეკომენდაციებს არ გაეცანით? პირბადის გამოყენების რეკომენდაციაც კი არ იცით? აბა, ჩვენ რატომ გვაჯარიმებთ?
ალია
კომენტარები