“ადრე დედა სცემა…” – სკანდალური დეტალები “ოცნების” დეპუტატზე

დედოფლისწყაროს მუნიციპალიტეტის სოფელ გამარჯვებაში მომხდარი სისხლიანი ღამის შესახებ დამატებითი ინფორმაცია ხდება ცნობილი:

როგორც ირკვევა “ქართული ოცნების” დეპუტატს, გიორგი ჭინჭარაულს, რომელიც თანასოფლელი ძმების დაჭრისთვის დააკავეს, თამაზაშვილების კლანთან ახლო მეგობრობა აკავშირებს.

ნაციონალური მოძრაობის პოლიტსაბჭოს წევრის გიორგი ბოტკოველის ინფორმაციით, ჭინჭარაული ლექსო თამაზაშვილის უახლოესი მეგობარია და სწორედ ამის წყალობით გახდა საკრებულოს დეპუტატი.

როგორც ირკვევა ჭინჭარაულმა ადრე დედა სცემა და ის ამის გამო პოლიციაში მოხვდა.

“გიორგი ჭინჭარაული არის ქართული ოცნების რეალური სახე. ისინი ფიქრობენ, რომ არც ერთ დანაშაულზე პასუხს არავინ მოსთხოვს. ქართული ოცნების საკრებულოს წევრმა დაჭრა ორი პიროვნება. ეს არის ადამიანი, რომელსაც არაერთხელ ედავებოდა გამოძიება სხვადასხვა დანაშაულებებს. ყველა შავბნელი საქმე, თუ რამეა გასაკეთებელი სოფელ გამარჯვებაში და დედოფლისწყაროში, ის არის მონაწილე ყველა ამ საქმისა”

რაც შეეხებათ დაჭრილ ძმებს, მათ ცივი იარაღით მიყენებული ჭრილობები გულ-მკერდისა და მუცლის არეში აღენიშნებოდათ. მათი ჯანმრთელობის მდგომარეობა მძიმეა, რის გამოც დედოფლისწყაროს საავადმყოფოდან პაციენტები თბილისში გადმოიყვანეს, ქირურგი გიორგი ბოსტოღანაშვილი:

“გუშინ შემოყვანილ პაციენტებიდან ერთს დაზიანებული აქვს ფილტვი, მეორე პაციენტი კი მუცლის ღრუში შემავალი ჭრილობით, ღვიძლის დაზიანებით და სისხლის დიდი დანაკარგით. მართვით სუნთქვაზე გახდნენ გადაყვანილი”

ადგილობრივების თქმით ინცინდენტის დროს საკრებულოს დეპუტატი არაფხიზელ მდგომარეობაში იმყოფებოდა, თავდაპირველად დეპუტრატს ძმები დაბადების დღის წვეულებაზე გაუსწორდნენ, რის შემდეგაც ჭინჭარაული სახლში გაიქცა, დანა აიღო და ძმები დაჭრა.

მომხდარ ფაქტზე გამოძიება 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. ბრალის დამტკიცების შემთხვევაში, მას 4-დან 7 წლამდე პატიმრობა ემუქრება.

ნიუპოსტი