“თქვა, უფალს მივენდობიო…” – რას აპირებენ დოიჯაშვილის მეგობრები?

პროდუსერი დავით ოქიტაშვილი, ზურა დოიჯაშვილის დასახმარებლად საქველმოქმედო ღონისძიების ჩატარებას გეგმავს.

დოიჯაშვილი დაახლოებით ერთი წლის წინ, იძულებით ემიგრაციაში წავიდა ოჯახთან ერთად და ახლა ისრაელში ცხოვრობს.

ქართული სცენის გამორჩეული სახე, უკვე რამდენიმე კვირაა აპარატზეა შეერთებული. ხანგრძლივი გამოკვლევების შემდეგ, მას ტუბერკულოზის დიაგნოზი დაუსვეს.

მისი მეგობრები თვლიან, რომ იმ შემთხვევაში, თუ ზურა დოიჯაშვილი საქართველოში დაბრუნდება, მისი ჯანმრთელობის მდგომარეობა მკვეთრად გაუმჯობესდება, რადგან საქართველოს გარეშე ყოფნა უჭირს.

დავით ოქიტაშვილი:

– დიდი ხანია ვიცი ზურას პრობლემები, არ უყვარს საკუთარ გასაჭირზე საუბარი, თავიდან უფრო ამბობდა, რა უჭირდა, შემდეგ კი თქვა, უფალს მივენდობიო და პრობლემებზე არასოდეს ულაპარაკია.

ვიცი ერთი ცნობილი ადამიანი, რომელსაც დახმარება სთხოვა, მაგრამ არ დაეხმარა. ახლა, როცა ზურა ცუდად არის, მე და მისმა მეგობრებმა გადავწყვიტეთ, ზურას დასახმარებლად საქველმოქმედო კონცერტი ჩავატაროთ. რა თანხას შევაგროვებთ არ ვიცი, მაგრამ გვინდა ბინა ვუყიდოთ მას.

ახლა როცა კორონავირუსის პანდემიაა, უხერხულია ვინმეს მისი დახმარება მოსთხოვო, მაგრამ რაღაცნაირად შევეცდებით ზურას გვერდით დავუდგეთ. „ფორტე“, თემო თათარაშვილი, გოჩა კაპანაძე და სხვები აუცილებლად გავაკეთებთ ჩვენს დასახმარებელს.